ههموو گهلێن جیهانێ شانازیێ ب سهرکرده و رێبهرێن خوه دکهن ئەوێن ژیانا خوه تهرخانکری پێخهمهتی مللهتێ خوه و سهرکهفتن و ئازادییا مللهتێ خوه ب دهست ڤه ئینای و مللهتێ خوه گههاندییه قوناغا سهرفهرازیێ و سهرکهفتنێ.
بۆ مه کوردان ژی فهخر و شانازی و سهربلندی یه کو ئهم ژی خوهدان سهرکرده و رێبهرهکێ وهکو بارزانیێ نهمر بین، یێ کو ههمی ژییانا خوه کریه دیاری بۆ کورد و کوردستانێ لهورا بارزانیێ نهمر ئێکه ژ سهرکردێن مهزن یێن چهرخێ بیستێ کو دیاریترین مێژویا مللهتێ کورد دا زهنگلا روناهیێ بۆ رێکخستنا گهلێ کورد لێدای و لبن ئێک ئالا و درویشمدا شیا بورکانا شۆرهشا ئازادیێ و سهرفهرازیێ ب سهر هۆڤترین دوژمنێن کوردا دا ب پهقینیت .
بزانین و حکومهت و لێهاتن و عهدالهتا خوه گهلێ کورد گههانده قوناغا سهرکهفتنێ: ناڤێ بارزانی و یێ کورد ژی ناهێته جوداکرن ژبهرکو مللهتێ کورد ب جیهانێ دایه نییاسین و لهورا ئهم دشێن بێژین بیت (بارزانیێ نهمر ناسناما مللهتێ کورده) چونکه مللهتێ کورد ب بارزانیێ نهمر هاتییه نییاسین ل سهردهستێ بارزانیێ نهمر کێشا کوردی وهکی کێشهکا گهلێ مرۆڤ دوست و ئاشتیخاز و خودان ههمی مەرجێن نهتهوهیی و نیشتیمانی هاتییه نییاسین. ههروهسا ئهو باوهرییا قازی محهمهد دایه بارزانی کو ئالایێ کوردستانێ رادهستى بارزانی کری ژبهرکو زانی ئهگهر ئێک وی ئالای ب پارێزیت دێ بارزانی بیت .
ئازادی و سهرفهرازییا گهل و وهلات پیرۆزترین ئومێدێن بارزانیێ نهمر بوون، ههر پێخهمهتی ڤێ ژی سهری خوه دانا و پتر ژ نیڤ چەرخی خهباتهکا بێ راوهستییان بهردهوامی پێدا ب عهزم و ئێسرار و ئیرادهکا پیلایی .
بارزانیێ نهمر هاته سهر دونیایێ کو زولم و ستهمکاری ل سهر گهلێ کورد یابهردهوام بوو.
وهسایه کو مروڤ بێژیت پهیدابوونا بارزانی دژی وێ زلم و زورداریا ل سهر مللهتێ کورد ههبو پێدڤی بوو کهسایهتییهک وهکو بارزانیێ نهمر پهیدا ببیت ب دههان سالان ژی خهباتێ بکهت و زولم و ستهمکاریێ قهبیل نهکهت.
لێ ئهم دشێین بێژین بارزانیێ نهمر ژ چنهییێ دهست پێ نهکریه، بابێ وی شێخ محهمهد ب دهستێ تورکێن عوسمانی هاته گرتن و ل باژێرێ بدلیسێ هاته زیندان کرن ههتا چوویه بهردلوڤانییا خودێ. پشتی وی شێخ عهبدولسلام برایێ وی سهرۆکاتییا عهشیرهتێ وهرگرتییه و دەست ب شۆرەشێ کریە و پهیوهندیێن بهرفرههـ ل گهل شێخ عهبدولقادرێ نههری و سمکوی شکاک و شێخ مهحمودێ حهفید گرێداینه ئهو ژی ژلایێ تورکان ڤه هاتییه گرتن و سێدارهدان ل باژێرێ مووسل، پاشان شێخ ئهحمهد مهزنی یا دهڤهرێ وهرگرتییه ل گۆر شیانێن خوه وی ژی دهڤهر ب رێڤه بریه و پشتهڤانیا شۆرهشا شێخ مهحمودی کرییه ب هنارتنا 300 چهکداران ل ژێر سهرپهرشتییا بارزانیێ نهمر ل سالا 1919 کو ل وی دهمی بارزانیێ نهمر ژیێ وی 16 سال بوون، ههروهسان د ناڤبهرا سالێن 1920-1921 بارزانی دگهل هێزەکێ د ههوارا ئهندریانیک پاشایێ ئەرمهنیا ل تورکیا دچیت و شییان ئهندریانیک و خێزانا وی ژ وێ فهرمانێ رزگار بکهن و یا ل سهر وان پێدڤی هاتییه کرن و رهوانهی سوریێ بکهن و ههتا زاخۆ دگهل چوون و د وان شهرێن دگهل ئهرمهنیا هاتنه کرن بۆ رزگارکرنا ئهندریانیک 14 شههید دان .
ژبۆ کو ئهم خوه بگههینین وێ پلا کو بارزانیێ نهمر ژبۆ مللهتی هێڤی دکر، فهره ل سهر مه ئهم گرنگترین خهسلهتێن بارزانیێ نهمر بیننه بیرا خوه داکو بشێن د ژیانا خوه یا پراکتیکی دا پێک بینین و بینه وهفادارێن رێبازا وى .
