ئه‌ڤرۆ چارشەمبى، 3-3-2021 دەستەیا ده‌ستپاکییا ئیراقی ئاماژه ب به‌لاڤبوونا دیاردا فێلکرنێ ل فەرمانبەران و خانەنشینان کرییە و تێدا هاتییە، ب رێیا پێدانا قەرێن ب له‌ز ب رێیا پەنجەمۆرێ و کارتا زیرەک فێل ل فەرمانبەران و خانەنشینان هاتییه کرن و د سه‌ردا برینه.
هه‌روه‌سا گۆتییه، دو تۆمەتبار هاتینه دەستگیر کرن، وان کەسان ب ناڤێ فەرمانبەران و خانەنشینان پارەكێ زۆر ب رێیا کارتێن زیرەک راکێشاینه بێى كو وان كه‌سان ئاگه‌هـ ژ وى كارى هه‌بیت.
دیار كرییه ژى: ئەو تاوانە ب هه‌ڤکارییا چەند فەرمانبەرێن کۆمپانییا کارتێن زیرەک هاتییه کرن و ئەو کەسه ژى هاتینه گرتن.
ئه‌و ژى ئاشكرا كرییه، خودانێن دوو کۆمپانیێن وەهمی ژى هاتینه گرتن، كو ب ناڤێ قه‌رێن ب له‌ز پاره‌یێ خانەنشینان و کەسانێن دانعه‌مر خوارینە.
