قایمقامێ قەزا دهۆكێ بۆ خانى نیوز راگەهاند: دێ هژمارەكا پرۆژەیێن خزمەتگوزاری ل سەنتەرێ پارێزگەها دهۆكێ دگەل هه‌ر چوار باژێرڤانیێن ب سه‌ر قه‌زا دهۆكێڤه ژ وان ژى ناحیا زاویتە و ناحیا مانگێشكێ، و كۆرا و باگێرا كو ب كوژمێ 10 ملیار دیناران ئه‌نجام ده‌ن، و ل گه‌له‌ك جهان ئه‌ڤ خزمه‌تگۆزارییه هێنه ئه‌نجام دان، ئەوژی پرۆژەیێن ئاڤێ و كارەبێ و باژێرڤانیێ، سه‌خبیرییا رێك و پرا، و په‌روه‌ردێ.
جەهوەر عەلی عەزیز، سه‌باره‌ت خزمه‌تێن باژێرڤانیێ ئاشكرا كر، ئه‌و دێ رابن ب چێكرن و قیركرنا جادەیێن وان تاخێن نوو هاتینە ئاڤاكرن و ئەو كێماسیێن بەرى نۆكە هەین دێ هێنه چاره‌سه‌ركرن، ئەو تاخ و گەرەكێن جادەیێن وان نەهاتینە چێكرن دێ نۆكە دەست ب چێكرنا وان هێتە كرن.
ناڤهاتى گۆتژى، رێكێن گۆندان ژی یێن گرێدایی قەزا دهۆكێ و زاویتە و مانگێشكێ دێ هێنە چێكرن ب تایبەتی ئەو گۆندێن رێكێن وان ژكاركەفتین دێ هێنە دروستكرن. گۆت ژى زۆربه‌یا ڤان پرۆژان ژى هاتینه ئاماده‌كرن و ره‌وانه‌كرن بۆ پارێزگه‌هێ و هه‌تا رۆژا ئێكشه‌مبى هه‌موو پرۆژه دێ د ئاماده‌بن.
