سەرەدانا پاپایێ ڤاتیکانێ بۆ ئیراقێ و ھەرێما کوردستانێ دل خوەشییەک ل دەڤ ھەموو کریستیانێن ئیراقێ و کوردستانێ تایبەتی گەلێ كلدانی و سریانی و ئاشۆری دروستکریە، ئەندامەکا پەرلەمانێ کۆدستانێ ژ پێکھاتەیا کریستیانا دیار دکەت: ھاتنا پاپایێ ڤاتیکانێ بۆ ئیراقێ و ھەرێما کوردستانێ پشتەڤانییەکە بۆ مانا گەلێ وان ل وەلاتێ خوە.
کلارا عەویشۆ ئەنداما پەرلەمانێ کوردستانێ ل دۆر سەرەدانا پاپایێ ڤاتیکانێ بۆ ھەریما کوردستانێ و ئیراقێ بۆخانی نیوز گۆت: ھاتنا پاپایێ ڤاتیکانێ پشتەڤانییە بۆ مانا گەلێ مە ل وەلاتێ خوە، تایبەتی ژی د ڤێ رەوشا ئالۆز یا نھا ئیراق تێدا دەرباز دبیت، ھەر دیسان ھاتنا وی نامەیەکە ھەم بۆ سەرکردەیێن سیاسی یێن ئیراقێ کو پتر پێکڤە ژیانێ ل ئیراقێ بھێز بکەن.
خانی نیۆز: عەبدوللا عەلی
