پشتی پاپایێ ڤاتیکانێ گەھشتیە بەغدایا پایتەختێ ئیراقێ، ھاتنا وی رەنگڤەدانێن مەزن پشت خوە ھێلان، مامۆستایەکێ زانکۆیێ ژی دیار دکەت، کورد دشێن ب رێکا پاپای پەیامێن خوە بگەھینە جیھانێ.
عەبدولرهحمان عەبدولغەفور شنگالی، مامۆستایێ زانۆکێ بۆ خانی نیوز گۆت: مللەتێن رۆژھەلاتا ناڤین ئانکو جیھانا سیێ ھەر تشتەکێ گرێدای ھێمایێن ئایینی و عەشیرەتگەری بگرنگ دبینن، ھاتنا پاپایێ ڤاتیکانێ بۆ مەسیحیان ل کوردستانێ و ئیراقێ گەلەک یا گرنگە وەک کوردستان ھاتنا وی وەک سیاسی گرنگ و بالکێشە، ژبهركو دشێن ب رێکا وی گەلەک پەیامێن جودا بگەھینین، پێکڤەژیانا ئاشتی دناڤبەرا ھەموو پێکھاتێن کوردستانێ دا و تایبەت پشتی شەرێ داعشێ و ئەڤە دێ بیتە رویەکێ گەش یێ ئازادیێ و پێکڤەژیانێ بۆ ھەرێما کوردستانێ.
شنگالی گۆت: ھاتنا وی گوھۆرینێن مەزن ل ئیراقێ دروست ناکەت ژبهركو ئەڤا ل ئیراقێ دناڤبەرا نەتەوه و ئۆلان دا ھەی گەلەک ژ وێ چەندێ بھێزتر کو کەسەک ڤێ چەندێ دروست بکەت، ژبهركو ناکوکیێن دناڤبەرا نەتەوه و ئایینی دا ھەین قفل بوونەکا مێشکی دروست کریە، ژلایێ روحی و مەعنەوی ڤە ھاتنا وی تشتەکێ باشە و ب ئەرێنی ل قەلەم بدەن.
خانی نیوز، سالار محەمەد دۆسکی:
