په‌ژیكه‌كا نوو ل چینێ به‌لاڤه‌ بوو

وه‌زاره‌تا چاندنێ و كاروبارێن گوندان یا چینى راگه‌هاند: په‌ژیكا به‌رازێن ئه‌فریقی ل‌ هه‌رێما سیشوانا چینی به‌لاڤه‌ بوویه، كو ئه‌و ده‌ڤه‌ره‌ ژێده‌رێ به‌رهه‌مئینانا گۆشتێ به‌رازانه‌.
ئاژانسا نوچه‌یێن رویتەرز به‌لاڤكرییه‌، وه‌زاره‌تا چاندنێ و کاروبارێن گوندان یا چینێ راگەهاندییه‌، جۆره‌كێ نوو یێ په‌ژیكێ د ناڤا به‌رازێن هه‌رێما سیشوان دا به‌لاڤبوویه‌، یا ناسیاره‌ ب په‌ژیكا به‌رازێن ئه‌فریقی، هه‌تا نوكه‌ 38 به‌راز ل كێلگه‌هێن وێ هەرێمێ مرینه‌.

چین مه‌زنترین وه‌لاتێ بەرهەمهێنەر و هنارتنا گۆشتێ بەرازانه‌ د جیهانێ دا، چه‌ند هه‌رێمێن وى وه‌لاتى پشت ب‌ داهاتێ بارزگانییا به‌رازان د به‌ستن.
ل سالا‌ 2019 دا به‌لاڤبوونا په‌ژیكا بەرازێن ئەفریقی نێزیکی نیڤا سامانێن بەرازی ل وى وه‌لاتى ژناڤبرییه‌ و نوكه‌ چ چاره‌سه‌رى بۆ وێ په‌ژیكێ نه‌هاتییه‌ دیتن. ‌