راهێنەرێ یانا ئه‌تله‌تیکۆ مەدرید یا ئیسپانی به‌رى یارییا دێربیێ مەدرید هۆشداریێ دده‌ته یاریزانان و دبێژیت ئه‌ڤ یارییه دێ ناسناڤێ لالیگایێ یا ئێکلاکەر نابیت.
دیێگۆ سیمیۆنی به‌رى یارییا دێربیێ مەدرید دبێژیت، 10 گەرێن لالیگا یێ به‌رى نوكه، ریال مەدرید و بارسێلۆنا ل دەرڤەی بازنێ رکابەریێ بوون، بەلێ نوكه کێمه‌كێ ژ مه دوورن، پێدڤییه له‌زێ نەکەین و هه‌تا دووماهییا وەرزى چاڤه‌رێ بکەین، هه‌كه ژ ریال مەدرید ژى ببەین هێشتا دێ ریال مەدرید مینیته د هه‌ڤركیێ دا، چونکى لالیگا خوله‌كا ب زەحمەتە و هێشتا گه‌له‌ك یارى ماینه.
هەروەسا سیمیۆنی گۆتییه، یارییا ئه‌ڤرۆ یا گرنگه و ئه‌م هەردو دێ بۆ ناسناڤى یاریێ کەین، ل دووماهییا یاریێ هەر سێ خال تێدا نه.
سیمیۆنی گوتییه ژى، دێ هەموو بزاڤان كه‌ین هێلا ناڤین یا ریال مەدرید رابگرین، ژ پێخه‌مه‌ت سه‌ركه‌فتنێ تۆمار بكه‌ین.
هه‌ژى گۆتنێ ئێڤاریا ئه‌ڤرۆ ئه‌تله‌تیكۆ و ریال مه‌دیرید دێ ل هه‌مبه‌رى هه‌ڤدوو یاریێ كه‌ن و چاڤه‌ریێ یارییه‌كا بهێز دهێته كرن.
