رێڤەبەرێ سەرپەرشتیاری ل په‌روه‌ردا پارێزگەھا دھۆکێ ئاشکه‌راکر، لژنەک ل پەروەردا گشتی ھاتییە دروستکرن بۆ دانانا وانەبێژان ل قوتابخانان و ھەژمارا قوتابیان ل ھەر قوتابخانەکێ دھێتەکرن.
سەگڤان حەسەن عەلی، رێڤەبەرێ سەرپەرشتیاری ل په‌روه‌ردا پارێزگەھا دھۆکێ بۆ خانی نیۆز گۆت: فۆرمەک دێ ژ وەزارەتێ ھێت بۆ قوتابخانان و پێزانینێن وانەبێژان دێ ھێنە پرکرن، ئارمانج ئەوە سنورەک بھێتەدانان و ھەر قوتابخانەک ل دووڤ پێدڤییان دێ وانەبێژ بۆ ھێنەدانان و نابیت ھەر قوتابخانەک ب کەیفا خوە وانەبێژان بدانیت.
سەگڤان حەسەن عەلی دیار ژی كر، لژنەك ل رێڤەبەرییا گشتی یا پەروەردێ ھاتییە دانان و دێ ئەو بریارێ دەت کا قوتابخانە پێدڤی ب وانەبێژان هه‌یە یان نە.
