سه‌رۆكێ حكومه‌تا هه‌رێما كوردستانێ، ب هه‌لكه‌فتا بیره‌وه‌رییا هه‌شتێ ئادارێ رۆژا جیهانییا ژنان، گەرمترین پیرۆزباهى ل ژنێن کوردستان و جیهانێ كر.
مەسرور بارزانی ،سەرۆکێ حکومەتا هەرێما کوردستانێ دیاركر، پشكدارییا ژنێن کوردستانێ د بزاڤا رزگاریخوازا گەلێ کوردستانێ و رووبرووبونا ستەم و داگیركرنێ دا جهێ شانازیێیه بۆ ژنێن کوردستانێ، هه‌رده‌م نموونەیا قوربانیدان و خۆراگری و داكۆكیێ بوون ل مافێن ره‌وا یێن گەلێ کوردستانێ.
حکومەتا هەرێما کوردستانێ ، پابەندبوونا خۆ ب رووبرووبونا هەر رەگەزه‌كێ جودا و پشتگوهـ ئێخستنا رۆلێ ژنان دوپات دكه‌ت و پشته‌ڤانیێ ل رۆلێ کارا و ژ هه‌ژی یێ ژنێن کوردستانێ دکەت د بوارێن جودا یێن کۆمه‌لگه‌هـ و دامه‌زرێنه‌رێن حکومەتێ دا و د چارچۆڤێ دوپاتیكرن ل مافێن مرۆڤى ب گشتی و مافێن ژنان ب تایبەت، ب ئاراستەیا نه‌هێلانا توند و تیژی و چەسپاندنا بنەمایێن یەکسانی و لێبوورینێ ل ناڤ خێزان و کۆمەلگەهێ دا.
