جێگرێ سه‌رۆكێ حكومه‌تێ ب هه‌لكه‌فتا 8 ئادارێ، رۆژا جیهانی یا ژنان، نامه‌یه‌كا پیرۆزباهی و رێزلێنانێ ئاراسته‌ی، رۆژنامه‌ڤانه‌كا خانی نیوز كر.
قوباد تاله‌بانی، ب هه‌لكه‌فتا 8 ئادارێ، رۆژا جیهانی یا ژنان و ب رێكا نڤێسینگه‌ها وی نامه‌یه‌كا پیرۆزباهی و رێزلێنانێ ئاراسته‌ی هه‌ژماره‌كا ژنێن چالاك د جڤاكێ كوردی دا كرییه، ئێك ژ وان ژی بنه‌فش شێخ عه‌لۆ، سكرتێرا نڤێسینێ ل خانی نیوز یا سه‌ر ب ناڤه‌ندا خانی یا ره‌وشه‌نبیری و راگه‌هاندنێ كر و تێدا نڤێسییه، د رۆژا جیهانی یا ژنان دا، رێز و پێزانینێن خوه ئاراسته دكه‌م ل دۆر بزاڤ و كارێن وه د بوارێ ته یێ كاری دا و كارتێكرنا ته ل سه‌ر بجهئینانا مافێن ژنان و یه‌كسیانییا جێنده‌ری ل هه‌رێما كوردستانێ.
جێگرێ سه‌رۆكێ حكومه‌تێ د ته‌مامیا نامه‌یا خوه دا گۆتییه: ئه‌ركێ هه‌موو ئالییه‌كی یه به‌رده‌وام بن د بزاڤان دا ل پێناڤی به‌هایێن بلندێن دادپه‌روه‌رییا كۆمه‌لایه‌تی و ئارمانجا مه‌زنا یه‌كسانییا جێنده‌ری، سه‌ركه‌ڤتنا وه هاندانه بۆ نڤشێ داهاتی و كه‌سانێن یه‌كسانیخواز به‌رده‌وامبن ل گه‌ل وه، به‌لێ پێكڤه دكارین.
