ئه‌مریكا بۆ ئیراقێ: بله‌ز ڤه‌كۆلینێ ل سه‌ر هێرشا عه‌ین ئه‌سه‌د بكه‌ن

وه‌زیرێ به‌رگرییا ئه‌مریكا داخاز ژ ئیراقێ كر بله‌ز ڤه‌كۆلینان ل سه‌ر هێرشا عه‌ین ئه‌سه‌د بكه‌ن.

لۆید ئۆستن، وه‌زیرێ به‌رگرییا ئه‌مریكا د چاڤپێكه‌فتنه‌كا ته‌له‌ڤزیۆنى دا راگه‌هاند؛ واشنتۆن ئه‌وا پێدڤى بیت بۆ پاراستنا به‌رژه‌وه‌ندییێن خوه‌ دێ كه‌ت و ئه‌گه‌ر پێدڤى بیت ل ده‌م و جهه‌كى كۆ ئه‌و دێ دیاركه‌ن ئه‌و دێ هێرشا ئه‌سمانى كه‌ن.

داخاز ژى ژ ئیراقێ كر بله‌ز ڤه‌كۆلینان ل سه‌ر هێرشا حه‌فتییا بوورى یا سه‌ر بنگه‌هێ عه‌ین ئه‌سه‌د بكه‌ت و به‌رپرسیارێ وێ دیاربكه‌ت.

حه‌فتییا بوورى ب مووشه‌كان هێرش ل سه‌ر بنگه‌هێ سه‌ربازى یێ عه‌ین ئه‌سه‌د هاته‌كرن.

بنگه‌هێ عه‌ین ئه‌سه‌د دكه‌ڤیته‌ پارێزگه‌ها ئه‌نبار ل رۆژئاڤایێ ئیراقێ و هێزێن ئه‌مریكا و هه‌ڤپه‌یمانان و ئیراقى ژى تێدا هاتینه‌ بنه‌جهكرن، سالا بوورى ب مه‌ره‌ما تۆلڤه‌كرنا كۆشتنا قاسم سۆله‌یمانى ئیرانێ چه‌ندین مووشه‌ك ئاراسته‌ى وى بنگه‌هى كرن.