ئەندامەکێ سەرکردایەتییا پارتییا دیمۆکراتا کوردستانێ ل دۆر نەرازیبوونێن تورکیا ل سەر چاپکرنا پوولەکێ وەزارەتا ڤەگوھاستنێ راگەھاند، ئەوان ل بەر نینە دژومناتییا چو گەل و وەلاتان بکەن.
عەلی عەونی، ئەندامێ سەرکردایەتییا پارتی و بەرپرسێ لقێ ھەشت ل زاخۆ ل دۆر گۆتنا حکومەتا تورکیا ل سەر پوولێ وەزارەتا ڤەگوھاستنێ یێ ب دوژمناتی ب ناڤ کری، گۆتنەک د تۆرێن جڤاکی دا بەلاڤ کرییە و دبیژیت: کوردان ل بەر نینە دوژمناتییا چ گەل و وەلاتان بکەن، بەلکو ئەو شەنگستتێ شاش و گەنیێ دەولەتا تورکیا یا ھەژھەژۆکە، کو ب چاپکرنا پوولەکی و ب ئالایێ کوردستانێ و ب زمان ز دیلان و جلکێن کوردی و ب ناڤێ کوردستانێ و پێشمەرگەی و ب رێفراندۆمێ دھەژیت و دکەڤیتە بەر گەفان.
عەلی عەونی ئاشکرا کر، دەولەتا تورکیا ب ئینکارا ھەبوونا کورد و کوردستانێ خوە ئێخستییە د تەنگاڤییەکا گەلەک مەزن دا، ل سەر کوردان ژی پێدڤی نینە دەست ژ ماف و داخواز و ھیڤیێن خوە بەردەن، بەلکو دڤێت داگیرکەر ببنە مرۆڤ و دەست ژ تەماعی و ئاخا کوردستانێ بەردەن.
ل دوماھیێ عەلی عەونی گۆت: ژیێ وێ دەولەتێ نەمینیت یا ب دیزاینکرنا پوولەکێ پۆستی بکەڤیتە بەر مەترسیێ.
