رۆژنامهڤانێ دیارێ رۆژناما ئهڤرۆ و دهڤهرا بههدینان (حكمهت زێوكى) ئهڤرۆ رۆژا پێنچشهمبی 11-3-2021 وهغهرا دووماهیێ كر.
د نووچهكێ دلتهزین دا بهرى دهمهكێ كێم هوزانڤان و رۆژنامهڤانێ بهرنیاسێ باژێرێ دهۆكێ حكمهت زێوكى وهغهرا دووماهیێ كر و تهرمێ وی ل مزگهڤتا جودى ل رۆژئاڤایا باژێرێ دهۆكى دهێته شووشتن و ل گۆرستانا شاخكێ ل باژارێ دهۆكێ دێ هێـته ڤهشارتن.
رۆژنامهڤان حكمت زێوكى ژ دایك بوویێ سالا 1965 ل باژێرێ دهۆكێ یه، ماوێ ژیانا خوه یا رۆژنامهڤانى دا ل چهندین دهزگههێن راگههاندنێ كاركریه وهك، رۆژناما ئهڤرۆ، تهلهڤزیۆنا وار، دهزگههێ ئازادى و رادیۆیا نهوا، ماوهیهكێ درێژ سهرپهرشتێ لاپهرێ نافخوه بوو ل رۆژناما ئهڤرۆ یا سهر ب دهزگههێ خانى یێ رهوشهنبیرى و راگههاندنێ یێ پارتییا دیموكراتا كوردستانێ ڤه.
رۆژنامهڤان حكمهت زێوهكى بهرى دوو سالان تووشى نهخوشییهكێ بوو و ژ وى ماوى ههتا نوكه ژ كارێ راگههاندنێ دور كهفت بوو ب تنێ ل تورێن جڤاكى چالاكى ههبووینه، ل 27-2-2021 زێوكى ب پۆستهكێ فهیسبووكى نیشانییا كورێ خوه ههیمهت و ههڤالا وى ژیمانێ پیرۆز كربوو، د دووماهى پوستێن خوه دا ژى وێنهكێ خوه ب جلكێن كوردى كو دوهى 10-3-2021 بهلاڤكریه و تێدا دبێژیت: ما چ بكهین دیاركرنا رۆژان بوویه كهتوارێ مه و ئهڤه رۆژا جلكێن كوردى یه.
ب ناڤێ ستافێ خانى نیوز، ژ خودێ دخازین جهێ ههڤالێ مه یێ رۆژنامهڤان حكمهت زێوكى بههشت بیت و خودێ سهبرێ بدهته كهس و كارێن وى.
خانى نیوز، سالار محهمهد دۆسكى
