وه‌زیرێ پێشمه‌رگه‌ى: ستایشا هه‌ڤکاری و هەماهەنگییا هه‌ڤپەیمانان کر
وه‌زیرێ پێشمه‌رگه‌ى و فه‌رمانده‌یێ گشتیێ ده‌سته‌ییا شیره‌تكارێن بلندا هه‌ڤپه‌یمانان ل ئیراقێ و سوریا، گۆتوبێژان دكه‌ن ل سه‌ر داوى پێشهات و مه‌ترسیێن تیرۆریستێن داعشێ ل ده‌ڤه‌رێ و پرسێن په‌یوه‌ندیێن وه‌زاره‌تا پێشمه‌رگه‌ى و وه‌زاره‌تا به‌رگرییا ئیراقێ ل رێككه‌فتنا وان بۆ پاراستنا ده‌ڤه‌رێن كوردستانی یێن ژ هه‌رێما كوردستانێ.
ئه‌ڤڕۆ 11ی ئادارێ 2021 شۆڕش ئیسماعیل، وه‌زیرێ پێشمه‌رگه‌یێ حكومه‌تا هه‌رێما كوردستانێ، پێشوازیكر ل جه‌نه‌ڕاڵ رێدئاوت، فه‌رمانده‌یێ ده‌سته‌یا شیره‌تكارێن بلندا سه‌ربازییا هوڤپه‌یمانان ل ئیراقێ و سوریا و شاندێ دگه‌لدا.
وه‌زیرێ پێشمه‌رگه‌ى، ستایشا هه‌ڤکاری و هەماهەنگییا هه‌ڤپەیمانان کر، کو بوونه ئه‌گه‌رێ گەشەسەندن و پێشڤه‌چوونا زێده‌تر یا هێزێن پێشمەرگەى ژلایێ شیانێن سه‌ربازیڤه.
د كۆمبوونێ دا، پرسا په‌یوه‌ندیێن د ناڤبه‌را هێزێن پێشمه‌رگه‌ى و سوپایێ ئیراقی ژ پێكئینانا ناڤەندا هەماهەنگییا هه‌ڤپشك گۆتوبێژكر و هه‌ردولایان ب گرنگی ڤه ئه‌ڤ چه‌نده وه‌رگرت، و دیاركرنا ئه‌وا ده‌ڤه‌رێن ناكۆكى ل سه‌ر و پركرنا ڤالاتییا ئێمناهیێ دناڤبه‌را و ده‌لیڤه بۆ تیرۆرستێن داعش نه‌هێلن كو كارێن ترسناك بكه‌ن.
ژلایه‌كێ دیڤه، رووب رووبوون و ریكگرتنا لڤینێن مه‌ترسیێن نوكه یێن تیرورستێن داعشێ ب درێژاهییا سنورێ د ناڤبه‌را ئیراق و سوریا و كاریگه‌رییا وێ ل سه‌ر سه‌قامگیرییا ته‌ماما ده‌ڤه‌رێ گۆتوبێژ ده‌رباره‌یى وێ چه‌ندێ هاتنه كرن.
