بۆچى كۆمبوونا په‌رله‌مانى ل هه‌له‌بجه ناهێت كرن‌ ؟

ب ھەلکەفتا ٣٣ سالان ل سەر کێمیابارانکرنا باژارێ ھەلەبجە، ژڤانە کۆمبوونا داھاتی یا پەرلەمانێ کوردستانێ ل سەر کێشە و ئاریشێن وی باژاری بیت.
د.محەیەدین حەسەن یوسف، ئەندامێ پەرلەمانێ کوردستانێ بۆ خانی نیوز ئاشکەراکر، ژڤانە رۆژا دوشەمبیێ کۆمبوونەکا تایبەت ل سەر ئاستێ خزمەتگوزاریان ل باژارێ ھەلەبجە بھێتەکرن، سەرۆکاتییا پەرلەمانێ کوردستانێ ل دۆر بابەتی چەندین پێنگاڤ ھاڤێتینە و نوونەرێن وێ پارێزگەھێ ل پەرلەمانێ کوردستانێ راسپاردینە بۆ راوستیان ل سەر خواست و داخوازیێن وێ پارێزگەھێ و ب راپۆرت دێ ل رۆژا کومبوونێ ھێتە خواندن.
ھەمان ئەندامێ پەرلەمانی ئەو ژی دیارکر، نەبوونا ھۆلەکا کۆمبوونا یا بەرفرەە کو کۆمبوونا پەرلەمانی تێدا بھێتەکرن کو ئەڤە ژی پێشنیار بوو ل ١٦/٣/ ل ھەلەبجە کۆمبوون ھاتباکرن، کاودانێن کۆرۆنایێ کۆمبوونا پەرلەمانی ل ھەلەبجە نا ‌ھێتەکرن ، ھەر دێ ل ئاڤاھیێ پەرلەمانی ل رۆژا دووشەمبی ھێتەکرن.

خانی نیوز، سالار محەمەد دۆسکی