سەرۆکێ فەلەستینێ داخازیه‌كێ ئاراستەی سیستانی دكه‌ت

سەرۆکێ ده‌ستهه‌لاتا فەلەستینێ داخواز ژ لێڤه‌گه‌رێ بلندێ شیعه‌ یێن ئیراقێ كر، پشته‌ڤانییا كێشه‌یا فله‌ستینێ بكه‌ت.

مەحمود عەباس، سەرۆکێ فەلەستینێ د نامەیەکێ دا بۆ عەلی سیستانی، لێڤه‌گه‌رێ بلندێ شیعه‌ یێن ئیراقێ دیاركر، ب گرنگ چاڤدێریا سەره‌دانا پاپا فرانسیسی پاپایێ ڤاتیکانێ بۆ ئیراقێ و کومبوونه‌كا دیرۆكی دگەل سیستانی کر.

مەحمود عەباس داخواز ژ عەلی سیستانی کر پشته‌ڤانییا کێشەیا فەلەستین و خەباتا گەلێ فەلەستینێ ژ بۆ ب ده‌ستڤه‌ئینانا مافان بکه‌ت.

دروستبوونا دەوله‌تا ئیسرائیلێ ژ ل سالا 1948 و تا نها ناکۆکی دناڤبه‌را فەلەستین و ئیسرائیل به‌رده‌وامن، فەلەستین و عەرەب ب گشتی ئیسرائیلێ ب داگیرکه‌رێن ئاخا فەلەستینێ تۆمەتبار دکەن.