حامد یونس زوبه‌یعی، بریكارێ وه‌زاره‌تا په‌ترۆلا ئیراقێ راگه‌هاند؛ لێكتێگه‌هشتنه‌كا باش دناڤبه‌را هه‌ولێر و به‌غدا لسه‌ر پرسا په‌ترولێ هه‌یه، دخوازن بگه‌هنه رێككه‌فتنا داویێ و د به‌رژه‌وه‌ندیا وه‌لاتی دابیت.
حكومه‌تا هه‌رێما كوردستانێ لسه‌ر بنه‌مایێ قانونا په‌ترۆلا گشتی و یا هه‌رێمێ د چارچوڤێ ده‌ستورێ ئیراقێ، وه‌به‌رهێنان د كه‌رتێ په‌ترولێ دا كریه لێ تا نها چ قانوونێن ئیتیحادى یێن تایبه‌ت ب رێكخستنا كه‌رتێ په‌ترۆلا گشتی و یا ئیراقێ ده‌رنه‌كه‌فتیه.
هه‌رێما كوردستانێ د چارچۆڤه‌یێ پابه‌ندیێن ده‌ستورى دا ل داویا مه‌ها سالا بوورى دگه‌ل حكومه‌تا به‌غدا رێككه‌فتنه‌ك ئیمزاكر، ل دووڤ رێككه‌فتنێ ژی، هه‌رێم رۆژانه 250 هزار به‌رمیلێن په‌ترۆلێ راده‌ستى سومو بكه‌ت.
