<h3 style="text-align: justify;"><span style="font-size: 18pt;">روونشتنا جڤاتا نوونه‌رێن ئیراقێ ل سەر پرۆژە قانوونا دادگەها فیدرالی یا ئیراقێ بۆ ده‌مژمێر 19:00 هاته پاشخستن، ئەندامه‌كا پەرلەمانێ ئیراقێ دبێژیت، وێ پرۆژە قانوونێ مەترسییه‌كا گه‌له‌ك مه‌زن ل سه‌ره. </span></h3> <h3 style="text-align: justify;"><span style="font-size: 18pt;">ئەنداما لژنا قانوونى ل جڤاتا نوونه‌ران دیار كرییه، پرۆژە قانوونا دادگەها فیدرالی ناهێته تێپه‌راندن ئەگەر دوو ل سەر سێییا ئەندامێن پەرلەمانى پەسه‌ند نەکەن، هه‌تا نوكه مادده‌یێن 2، 3 و 12 کێشە ل سەرن و ئێکلایی نەبووینە.</span></h3> <h3 style="text-align: justify;"><span style="font-size: 18pt;">دادگەها بلند یا فیدرالی یا ئێراقێ ژ 9 ئەندامان پیك دهێت، 3 شیعە، 2 کورد، 2 سوننە و تورکمانه‌ك و کریستیانه‌ک، بەلێ نوكه دوو ئەندامێن وێ دادگه‌هێ نەماینه، له‌ورا دادگەهـ نه‌شێت کۆم ببیت و بڕیارێ بده‌ت، چونکى ل دووڤ قانوونا وێ دادگەهێ، دڤێت دادگەها فیدرالى ب ئامادەبوون و بەشداربوونا سەرۆک و هەموو ئەندامان کۆم ببیت و بڕیارێ بده‌ت.</span></h3>
