به‌رپرسێ تیمه‌كا وه‌رگرتنا نموونه‌یێن پشكنینێن كۆرۆنایێ ل ساخله‌مییا پارێزگه‌ها دهۆكێ دیاركر، دناڤ وه‌لاتیێن پارێزگه‌ها دهۆكێ دا پشكنینێن هه‌ره‌مه‌كى ژبه‌ر ڤایرۆسى دهێنه كرن بۆ ده‌مێ 14 رۆژان هه‌وا پشكنینێن هه‌ره‌مه‌كى دناڤ خه‌لكێ دا دێ یا به‌رده‌وام بیت.
د. عه‌بدوللا حسێن خه‌له‌ف، به‌رپرسێ تیمه‌كا وه‌رگرتنا نموونه‌یێن پشكنینێن كۆرۆنایێ ل ساخله‌مییا پارێزگه‌ها دهۆكێ راگه‌هاند، ل سه‌رانسه‌ری پارێزگه‌ها دهۆكێ بۆ ده‌مێ 14 رۆژان پشكنینێن هه‌ره‌مه‌كێ بۆ خه‌لكی دێ هێنه ئه‌نجامدان ل ناڤ مال و جهێن گشتى ودام وده‌زگه‌هێن حكومى هه‌ر جهه‌كێ هه‌بیت دێ تیمێن ساخله‌مییێ قه‌ست كه‌نى بۆ ئه‌نجامدانا پشكنینێن هه‌ره‌مه‌كى دێ 639 نموونه هێنه وه‌رگرتن
ئاشكرا ژى كر، مه‌ره‌م ژ ڤێ رووپێڤانا هه‌ره‌مه‌كى ئه‌وه بۆ مه دیاربیت هه‌تا چ راده كۆرۆنا دناڤ خه‌لكێ دا هه‌یه، و چه‌ند خه‌لك تووشى كۆرۆنایێ بووینه ئه‌ڤ رووپێڤانا هه‌ره‌مه‌كێ دێ هه‌موو قه‌زا و ناحیه و كۆمه‌لگه‌هێن ب سه‌ر دهۆكێ ڤه هێته ئه‌نجامدان.
گۆت ژى: چه‌ندین تیمێن ساخله‌میێ هاتینه پێكئێنان بۆ ئه‌نجامدانا رووپیڤانا هه‌ره‌مه‌كێ، ئه‌ڤه ژى ئێكه‌مین جاره رووپێڤانه‌كا وه‌سا مه‌زن بۆ زانینا رێژا تووشبوویێن كۆرۆنایێ ل دهۆكێ دهێته ئه‌نجامدان
