نێچیرڤان بارزانی، سه‌رۆكێ هه‌رێما كوردستانێ په‌یامه‌كا سه‌ره‌خۆشییێ ل بنه‌مالا د .كه‌مال مه‌زهه‌رى كرییه و گۆتییه: ژ دەستدانا د. کەمال مەزهەرى، خوسارەتییه‌كا مه‌زنە و خودێ ژێرازى گەنجینەگا ب بها بۆ مه هێلایه.
ده‌قێ سه‌ره‌خۆشییا سه‌رۆكێ هه‌رێما كوردستانێ ب هه‌لكه‌فتا وه‌غه‌ركرنا د. كه‌مال مه‌زهه‌رى:
زۆر ب مخابنى ڤه، نووچه‌یێ وه‌غه‌ركرنا زانا و مێژوونڤیسێ مه‌زن یێ کورد پرۆفیسۆر د. کەمال مەزهەرى گه‌هشته من.
خودێ ژێرازى هەموو ژیانا خوه بۆ تۆمارکرن و راستکرنا زانستی بۆ مێژوویا گەلێ خوه تەرخان کرییه و ب وێ رێكێ خزمەته‌كا مەزن بۆ نەتەوە و نیشتمانێ خوه کریه و گەنجینه‌كا ب بها بۆ مه هیلایه.
ژ دەستدانا د. کەمال مەزهەرى، خوسارەتییه‌كا مه‌زنە و ب وێ هه‌لكه‌فتا خەمگین هه‌ڤخەمییا خوه بۆ بنەمالە و کەسوکارێن بەرێزى دەردبرین و ژ خودایێ مەزن دخوازم، خودێ ژێرازى بێخیتە بەر بەزەیی و دلڤانییا خوه و سەبر و ئارامیێ بده‌ته هه‌موو لایه‌كێ.
