مستەفا کازمی دگەل نوونەرێن پارێزگەھا ھەلەبجە کۆمبوو

سەرۆک وەزیرێ ئێراقێ راگەھاند: گەلێ ئێراقێ ب سەرجەم پێکھاته‌یێن خوەڤە رۆژێن خەمبار بوراندینە، نە ب تنێ ل سەردەمێ دیکتاتۆریەتێ دا بەلکو ل سەردەمێ دووماھیک ئینانا رژێمێ دا و پێدڤیە نەخۆشی ب دووماھیک بھێن.
مستەفا کازمی سەرۆک وەزیرێ ئێراقێ ئەڤرۆ سێشەمبی پێشوازی ژ ھژمارەكا نوونەرێن باژێرێ ھەلەبجه‌یا شەھید کر و راگەھاند: گەلێ ئێراقێ ب سەرجەم پێکھاته‌یێن خوه‌ڤە رۆژێن دژوار برینە و ب هه‌ڤپشكى ئەو روژە بوراندینە، نە ب تنێ ل سەردەمێ دیکتاتوریەتێ رووبرووی نەخۆشییان بووینە، بەلکو ل سەردەمێ پشتی وێ رژێمێ ژى، له‌ورا پێدڤییە نەخۆشییان ببورینین. ‌

گۆتیه‌ ژى، پێشتر وى سەرەدانا ھەلەبجه‌ یا شەھید کریە، ھەلەبجە برینەکا مێژویی یە، خەلکێ وێ ب لێبورینێ وانەکا گرنگ فێری وان و نەڤیێن داھاتی کریە.