هه‌ژمارا توشبوویێن كۆرۆنایێ ‌121 ملیۆن ده‌ربازكرن

هه‌ژمارا تووشبوویێن كۆرۆنا ل جیهانێ گه‌هشت‌ 121ملیۆنان و تا نها زێده‌ترى 94 ملیۆن توشبوو چاره‌سه‌ربووینه‌.

ل گۆره‌ی خشته‌یێ ئه‌ڤرۆ یێ لژنا چاڤدێریكرنا ڤایرۆسێ كۆرۆنا، هه‌ژمارا توشوبوویێن كۆرۆنا ل جیهانێ گه‌هشت  121 ملیۆن و 328 هزار و 887 کەسان، تا نها زێده‌ترى 94 ملیۆن و 129 هزار و 648 توشبوو چاره‌سه‌ربووینه‌، هه‌روه‌سا دو ملیۆن و 684 هزار و 145 كه‌سان ل جیهانێ گیانێ خوه‌ ژده‌ستداینه‌.

هه‌ر ل گۆره‌ی خشته‌یێ لژنا چاڤدێریێ ژی، هه‌ژمارا پترین وه‌لاتێن توشبوویێن كۆرۆنا تۆماركرین پێكهاتینه‌ ژ ئه‌مریكا، هندستان، برازیل، رۆسیا، بریتانیا، فره‌نسا، ئسپانیا، ئیتالیا، توركیا، ئه‌لمانیا وئیراق ل رێزا 29 دهێت.