سەرۆکێ حکومەتێ کۆژمێ 77 ملیار دیناران بۆ پارێزگەها دهۆکێ تەرخانکرن، ژبۆی وێ چەندێ کو پڕۆژەیێن خزمەتگۆزاری ل سەرانسەرێ پاڕێزگەها دهۆکێ بهێنە بجهئینان .
جەهوەر عەلی، قایمقامێ قەزا دهۆکێ تایبەت بۆ خانی نیوز راگەهاند، کو سەرۆکێ حکومەتێ رەزامەندیا خوه یا دەربڕی کو هەژمارەکا پڕۆژەیێن گرنگ یێن خزمەتگۆزاری ل سنورێ پارێزگەها دهۆکێ بهێنە بجهئینان، کو ئەو پڕۆژە ژی تایبەت بوون ب ژیانا خەلکی ڤە ژ وان ژی پڕۆژەیێن نوژەنکرنێ و دروستکرنا رێیان و چیمەنتۆکرنا رێیان و هەروەسا پڕۆژەیێن گرێدای ب باژێرڤانییان و کارەبا و نۆژەنکرنا قۆتابخانەیان و هەمی ئەو پڕۆژەنە یێن خەلکی داخازی ل سەر هەی، کو دێ ب کوژمێ 10 ملیار دینارا پڕۆژە بۆ قەزایا دهۆکێ هێنە بجهـ ئینان، لێ د نها دا سەرۆکێ حکومەتێ ئەو کوژمە زێدە کریە و ئەڤەژی وێ چەندێ دگەهینیت کو دێ پڕۆژەیێن خزمەتگۆزاری زێدە بن و خەلک دێ مفای لێ بینیت.
جەهوەر عەلی گۆت، پشتی کو رەزامەندی ژ لایێ سەرۆکێ حکومەتێ ڤە هاتییە دان ب ئەنجامدانا وان پڕۆژەیێن خزمەتگۆزاری یێن کو مە پێشتر بەحسکری و د نها دا ئەو کۆژمە هاتییە زێدەکرن و دێ ل سەر قەزا و ناحیێن سەر ب پارێزگەهێ ڤە هێتە دابەشکرن.
ناڤبری گۆتژی، بەری نها رەزامەندی ل سەر خەرجکرنا 31 ملیار دیناران بۆ پڕۆژەیێن خزمەتگۆزاری ل دهۆکێ هاتبوو دان، لێ د نها دا ئەو کۆژمە هاتییە زێدهکرن بۆ 77 ملیار دیناران.
