هەلی کۆپتەر بۆ کۆنترۆلکرنا شه‌رێ دوو عه‌شیران هاتە بکارئینان

ل سپێده‌هییا ئه‌ڤرۆ ئه‌ینیێ، چەکدارێن عەشایری ل باژێركێ عەکیکە ل پارێزگه‌ها زیقار، ب چەکێ سڤک و گران رووبروو ئێك بووینه‌.

د وى شەرى دا، جه‌سته‌یێ ژنه‌كێ هاتییه‌ سۆتن و زارۆیه‌ك ژى هاتییه‌ كوشتن و ئاگر به‌ربوویه‌ حه‌فت مالێن وه‌لاتییان.

ژ ئه‌گه‌رێ ب کارئینانا چەكێ گران د وى شه‌رى دا، مووشەکه‌كا چەکداران ب مالا عولا ناشی، پەرلەمانتارا کوتلەیا فەزیلە کەفتییە.

ل دووڤ زانیاریێن میدیایی، ژ ئه‌گه‌رێ دژوارییا وى شه‌رى، هێزێن ئاسمانی یێن ئیراق ب هەلیکۆپتەرێن شه‌رى هه‌ڤكارییا هێزێن ئەمنی یێن ئێراقێ كرینه‌.