د کونگرێ ١٤ێ دا پێدڤیە پارتى گرنگی ب گەنجان بھێتە دان
د دیرۆکا دامەزراندنا پارتیا دیمۆکراتا کوردستانێ دا ھەتا نھا ١٣ کۆنگرەیێن گێرای .
ل گۆره‌ى بریارا مەکتەبا سیاسی یا پارتی راگەھاند کو دێ ل رۆژا “٢٦ێ گولانا ٢٠٢١ـێ” پارتی دیمۆکراتی کۆردستان ل باژێرێ دھۆکێ دا کۆنگرێ خوە یێ ١٤ێ گێریت.
ھەر ل رۆژا دامەزراندنا پارتی و گێرانا ئێكه‌م کۆنگرەی ھەتا نھا د پێشڤەچوونێن بەردەوام دایە، رۆژ بۆ رۆژێ بھێزتر دبیت، لێ پارتی پێدڤیا ب بھێزبوونەکا ژڤێ بھێزبوونێ زێدەتر هه‌ى، چونکو پارتا ئێکێ یە ل سەر ئاستێ ھەرێما کۆردستانێ و ئیراقێ .
لەوما پێدڤیە گرنگیەکا زێدەتر ب تەخا گەنجان بھێتە دان و دناڤا کۆنگرەی دا پشكداربن و بھێنە ھەلبژارتن .
ھەرچەندە پارتی دیمۆکراتی کوردستان ھەردەم گرنگی ب گەنجان دایە لێ نە د ئاستێ پێدڤی دا بوویە چونکه:
_ مە گەنجێن زیرەك و ژێھاتی هه‌نه دناڤا رێزێن پارتی دا .
_ مە گەنجێن دلسوز و ره‌وشەنبیر و خودان ئەزموون و زانین هه‌نه.
_ مە گەنجێن خودان شیان و باوه‌رنامێن بلند یێن ھەین و گەلەکێن دی.
لەوما ئەگەر پارتی دیمۆکراتی کوردستان بڤێت ھەر د بلندبوونێ دابیت و بھێزتر لێ بھێت و نزم و بێھێز نەبیت، پێدڤیە دەرفەت ب گەنجان و کادرێن گەنج بھێتە دان دا رۆلێ خوە دناڤا رێزێن پارتی دا ببینن، چونکه ھەر دەولەتەك یان وەلاتەك یان پارتەك یا پێشکەفتی و خودان داھات و ره‌وشەنبیریەکا باش بناغێ وان یێ ل سەر ھزر و بیرێن گەنجان ھاتیە دامەزراندن و گەنج بربرا پشتا ھەر وەلاتەك یان دەولەتەکا پێشکەفتی نە .
مەرجەع و کارێزمایێ بلندێ مللەتێ کورد بارزانیێ نەمر گرنگیەکا باش ب لاوان دایە و ب شوورها پوولایی ساخله‌ت کرینە و د گۆتنەکا خوەدا دبێژیت: لاوان شوورها پوولایى نه بۆ پاراستنا کوردستانێ .
