سەرۆکێ جڤاتا سەرکردایەتییا کەرکووک – گەرمیان یا پارتی دیموکراتی کوردستان رادگه‌هینیت، كو چ هێزه‌ک نه‌شێت حیزبێ ژ کەرکوکێ و کەرکووکییان جودا بكه‌ت.
کەمال کەرکووکی، ئەندامێ مەکتەبا سیاسیی و سەرۆکێ جڤاتا سەرکردایەتییا کەرکووک – گەرمیان یا پارتی، پەیامێکێ ب هه‌لكه‌فتا جەژنا نەورۆزێ و 30 ساڵ ڤه‌گه‌را سه‌رهلدانا گەلێ کوردستانێ ل کەرکوکێ، به‌لاڤدكه‌ت.
کەمال کەرکووکی پیرزۆباهییا جەژنا نەورۆزێ و بیره‌وه‌رییا رزگارکرنا کەرکوکێ، راگه‌هاندییه، كو بریارا سەرکردایەتییا سیاسییا کوردى و ئیرادەیا بهێزا جەماوەرییا کوردستانێ ب هەموو چین و توێژ و پێکهاتانڤه بۆ ڕزگارکرنا کەرکوکێ بڕیاره‌کا مێژوویی یا ئارمانجدار بوو و ئەو ڕاستییە سەلماندژى کو کەرکووک خاکا نه‌ڤه‌قه‌تییا یا کوردستانێ یه.
سەرۆکێ جڤاتا سەرکردایەتییا کەرکووک – گەرمیان یا پارتی سۆز دایه وه‌ڵاتیێن کەرکووکێ و راگەهاندییه، ئەو ره‌وشا نه‌ئاسایی یا نها ل کەرکووکێ ناهێته قەبووڵکرن و بەردەوام ژى نابیت.
