ئه‌مریكا و هه‌ژماره‌كا وه‌لاتان دێ مانۆره‌كا سه‌ربازى ل رۆژهه‌لاتا ناڤین كه‌ن

هێزا ده‌ریایى یا ئه‌مریكا راگه‌هاند، ئه‌و دگه‌ل هه‌ژماره‌كا وه‌لاتان ب نیازا مانۆره‌كا سه‌ربازى یا مه‌زنن‌ ل رۆژهه‌لاتا ناڤین.

ئاژانسا ئه‌سۆشیه‌یتد پرێس به‌لاڤكرییه‌، مانۆرا سه‌ربازى یا هه‌رئێك ژ ئه‌مریكا و به‌لجیكا و فره‌نسا و ژاپۆنێ ل كه‌نداڤێ عومان دێ هێته‌ كرن، كۆ تێدا كه‌شتییا شارل دیگۆل یا فره‌نسى و كه‌شتییا یۆ ئێس ئێس ماكین ئالاند یا جه‌نگى یا ئه‌مریكى و كه‌شتییا جه‌نگى یا به‌لجیكى و كه‌شتییا جه‌نگى یا ژاپۆنى و فرۆكێن جه‌نگى یێن هه‌ر چار وه‌لاتان دێ هێنه‌ بكارئینان.

ئه‌و مه‌شقا سه‌ربازى د ده‌مه‌كى دایه‌، ئیران ژ پابه‌ندبوونا خوه‌ یا رێكه‌فتنا ئه‌تۆمى یا سالا 2015ێ راوستیایه‌‌ پشتى كۆ دۆنالد ترامپ، سه‌رۆكێ به‌رێ یێ ئه‌مریكا ل سالا 2018ێ خوه‌ ژ رێكه‌فتنێ ڤه‌كێشاى.

جهێ ئاماژێ یه‌ تا نها وه‌لاتی ئیرانێ كارڤه‌دانا خوه‌ ل به‌رامبه‌ر وی پێنگاڤا سه‌ربازى نیشان نه‌دایه‌.