<h3 style="text-align: justify;"><span style="font-size: 18pt;">ئێكهم جاره خانمهكا کورد د ئاستهكێ بەرزدا راهێنانان دكهت</span></h3> <h3 style="text-align: justify;"><span style="font-size: 18pt;"><strong> </strong></span></h3> <h3 style="text-align: justify;"><span style="font-size: 18pt;"><strong>خانمهكا پێشمەرگە کو خەڵکێ هەرێما کوردستانێ یه، ژلایێ ئەکادیمیا سەربازییا شاهانەیا بەریتانیا ساندهورست، راهێنان پێ هاتینه کرن و پلەییا سەربازی پێ هاته پهخشین.</strong></span></h3> <h3 style="text-align: justify;"><span style="font-size: 18pt;">میدیا مەستی تەمەن 30 ساڵه، پێشتر وەکى پزیشک ل نەخۆشخانەیەکا تایبەتا هێزێن پێشمەرگەى خزمەت کرییه و پاشى پشكدارى د راهێنان و خولا ئەکادیمیا ساندهورستی کرییه.</span></h3> <h3 style="text-align: justify;"><span style="font-size: 18pt;">د مەراسیمهکێ دا، ژلایێ سوپایێ بەریتانیاڤه باوهرناما تهمامكرنا خولێ ب سەرکەفتى دایه میدیایێ و 18 کەسێن دى.</span></h3> <h3 style="text-align: justify;"><span style="font-size: 18pt;">ئێكهم جاره خانمهكا کورد د راهێنانهكا ئاست بەرزا دا پشكداریێ دكهت و سوپایێ بەریتانیا ب پێنگاڤهكا کێم وێنە ب ناڤ دبهت.</span></h3> <h3 style="text-align: justify;"><span style="font-size: 18pt;">میدیا مەستی دهربارهیى ئهوێ ئهزموونا نوو راگههاندییه: دوو حهفتیێن ئێكێ ب زەحمهت بوون، ب تایبەت نڤستن د سهقایهكێ زۆر سار دا.</span></h3> <h3 style="text-align: justify;"><span style="font-size: 18pt;">میدیا شانازیێ ب باوهرناما خوه دبهت و دبێژیت: من قهت هزر نهدكر كو دێ شێم ڤێ خولێ تهمام كهم و بگههمه ئاستێ نوكه.</span></h3> <h3 style="text-align: justify;"><span style="font-size: 18pt;">بەریتانیا وەک پشكهك ژ ههڤپهیمانییا ناڤدەوڵەتی بۆ شهرێ دژى داعشێ، مەشق و راهێنانان پێشکەشى هێزێن پێشمەرگە دکهت.</span></h3> <h3 style="text-align: justify;"></h3>
