كونسوڵخانەیا قەتەرێ ل هەولێرێ دبێتە رێخۆشكهركا باش بۆ كاركرنێ و سەرمایەگوزاریێ ل هەرێما كوردستانێ
مەسعود بارزانی، ئهڤرۆ رۆژا چوارشەمبى 24ـی ئادارا 2021ێ ل سەلاحەددین پێشوازی ل شێخ محەمەد بن عەبدولڕەحمان ئال سانی جێگریێ سەرۆك وەزیران و وەزیرێ دەرڤهیێ قەتەر و شاندێكی دگهلدا كر.
د كۆمبوونا د ناڤبهرا وان دا وەزیرێ دەرڤەیێ قەتەرێ سلاڤێن ئەمیرێ قەتەرێ گههاندنه سەرۆك بارزانی و پێزانین ههبوون بۆ گەشەسەندن و سەقامگیرییا هەرێمێ و ڕاگەهاند كو ل هەرێما كوردستانێ دەرفەتهكا زۆر باش بۆ سەرمایەگوزاریێ هەیە.
ئەو چهنده ژى دیاركر كو ڤهكرنا كونسوڵخانەیا قەتەرێ ل هەولێرێ دبێتە رێخۆشكهركا باش بۆ كاركرنێ ل سەر وێ دەرفەتا ئابووری و سەرمایەگوزارییا ل هەرێما كوردستانێ هەى. هیڤى ژى خواست كۆ پەیوەندیێن هەردوو لایان گەشەسەندنێ ب خوهڤه بینیت.
ژلایێ خوهڤه سەرۆك بارزانى بەخێرهاتنا شاندێ مێهڤان كر و خۆشحاڵیا خوه دەربڕی ب ڤهكرنا كونسوڵخانەیا قەتەرێ ل باژێرێ هەولێرێ و پێشوازی ژى ل بهرفرههبوونا پەیوەندیێن د ناڤبهرا هەرێما كوردستانێ و قەتەرێ كر.
