ھەرێما کوردستانێ.. مرنا ب کۆرۆنایێ نمرا پیڤای دەرباز کرییە

وەزارەتا ساخلەمیا حکومەتا ھەرێما کوردستانێ راگەھاند، تووشبوونا ب کۆرۆنایێ زێدەبوویە و مرنا ب وی ڤایرۆسی نمرا پیڤای دەرباز کرییە.
دکتور ئاسۆ حەویزی، وەزیرێ ساخلەمیا ھەرێما کوردستانێ د بەیانەکێ دا راگەھاند، ل گۆرەی زانیاریێن دەستپێکی پترترین ھەژمارا تووشبوویێن کۆرۆنایێ ل ھەرێما کوردستانێ ھاتینە تۆمارکرن و ھەژمارەکا وان ل نەخۆشخانان ھاتینە نڤاندن و تەختێن پشکێن چاڤدێریا چڕ ژی پڕ بووینە و رەنگە جھێ نەخۆشان نەمینیت.
حەوێزی ئاشکرا ژی کر، ب مخابنی ڤە ژبەر نەپێگیرییا ب رێنمایێن خوەپاراستنێ و بریارێن وەزارەتا ساخلەمی، پشتی دەربازبوونا چار مەھان مرنا ب ئەگەرێ وی ڤایرۆسی نمرا پیڤای دەرباز کرییە و ب تنێ ل شەڤا بووری ١١ کەسان ژیانا خوە ژ دەست دایە.