بهایێ په‌ترۆلێ بلندبوو

بهایێ په‌ترۆلا خاڤ ل بازارێن جیهانێ به‌راورد ب 24 سه‌عه‌تێن بوورى  2 دۆلاران زێده‌كریه‌ هه‌ر به‌رمیله‌كا په‌ترۆلا خاڤا برێنت ب 64.57 دۆلارا بازار پێ دهێته‌ كرن.

ل گۆره‌ی ئاژانسا بلومبێرگ، پشتى دوهى به‌رمیله‌كا په‌ترۆلێ بۆ 62 دۆلاران داكه‌فتى، ئه‌ڤرۆ سپێدێ، بهایێ هه‌ر به‌رمیله‌كا په‌ترۆلێ بۆ 2  دۆلاران بلندبوو و به‌رمیله‌كا په‌ترۆلا برێنت ب 64.57 دۆلارا بازار پێ دهێته‌كرن، د به‌رامبه‌ردا به‌رمیله‌كا خاڤا تیكساس ب رێژا4.12%زێده‌كریه‌.

ئه‌ڤه‌ دده‌مه‌كێدایه‌، رۆژا چارشه‌مبییا بورى ژ ئه‌گه‌رێ مه‌ترسییا درێژكرنا رێنمایێن دژى كۆرۆنایێ و داخستنا بازارو جهێن گشتى ل چه‌ند وه‌لاتێن ئه‌ورۆپا، بهایێ په‌ترۆلێ ل بازارێن جیهانێ 6% ژ نرخێ خوه‌ ژده‌ستدا.