پێشتر سەرۆکایەتییا هەرێما کوردستانێ راگەهاند بوو، ل سهر داخوازا فهرمییا سهرۆکێ فرهنسا، نێچیرڤان بارزانى سهرۆكێ ههرێما كوردستانێ دێ سهرهدانا فرەنسا كهت و ئهڤرۆ رۆژا سێشهمبى ل كۆچكا ئهلیزێ ل پاریسێ دێ د گهل ماكرۆنى كۆمبیت.
سەرۆکایەتیا هەرێما کوردستانێ د راگههاندنهكێ دا بهلاڤکربوو، ئیمانوێل ماكرۆن، سهرۆکێ فرهنسا و نێچیرڤان بارزانى سهرۆكێ ههرێما كوردستانێ ئهڤرۆ رۆژا سێشهمبى 2021-3-30 ل كۆچكا ئهلیزێ ل پاریسێ دێ كۆم بن.
ئاماژه ب هندێ دابوو كو ههردو ئالى دێ ل سهر پهیوهندیێن ههرێما كوردستانێ و ئیراقێ دگهل فرهنسا و رهوشا ئیراقێ، ههرێما كوردستانێ و دهڤهرێ ب گشتى و پهژیكا كۆڤید 19 و بهركهفتیێن وێ، ترسێن تیرۆرێ و ئهركێ ههڤپهیمانییا ناڤدهولهتى و گرنگییا ههڤكارى و ههڤپشكییا ههمه لایهنه بۆ بهرهنگاربوونا داعشێ و چهند پرسێن دی یێن جهێ گرنگییا ههڤپشك دێ گۆتوبێژ كهن.
