ئیراق.. ئێكشه‌مبیا بهێت دێ ده‌ست ب بجهئینانا قانوونا بودجه‌ى هێته‌ كرن

پشتى سێ هه‌یڤان ژ دانوستاندنان، جڤاتا نوونه‌رێن ئیراقێ پرۆژه‌قانوونا بودجا سالا 2021ێ په‌سه‌ندكر، هه‌مى لایه‌ن چاڤه‌رێ نه‌ ‌برگه‌ و ماده‌یێن قانوونى بجهبینن.

جڤاتا نوونه‌رێن ئیراقێ بله‌زه‌ بۆ بجهئینانا بودجه‌ى، به‌رى ئه‌و قانوون د  رۆژناما فه‌رمى دا بهێته‌ به‌لاڤكرن ،ده‌ستهه‌لات دایه‌ حكومه‌تێ بجهـ بینن.

ئه‌حمه‌د سه‌فار، بریارده‌رێ لیژنا دارایى ل جڤاتا نوونه‌ران راگه‌هاند، رۆژا ئێكشه‌مبى وه‌زاره‌تا دارایى یا ئیراقێ دێ ده‌ست ب ده‌ركرنا رێنمایان بۆ بجهئینانا قانوونا بودجه‌ى كه‌ت، ئاماژه‌ ب هندێ ژى كر، هنارتنا پشكا بودجا كوردستانێ پێدڤى ب دانوستاندنێن ته‌كنیكییه‌.

د. بەشیر حەداد، جێگرێ سەرۆکی جڤاتا نوونه‌ران راگەهاند، دبیت هنارتنا پشكا هه‌رێما كوردستانێ  هه‌یڤه‌كێ ڤه‌كێشیت.

هووركاتیێن پشكا هه‌رێما كوردستانێ د ماددێ11ێ یێ بودجا ئیراقێ دا په‌سه‌ندكریه‌، حكومه‌تا هه‌رێمێ پێگیره‌ ب خه‌رجكرنا مووچێ فه‌رمانبه‌ران و قه‌ره‌بووكرنا وێ پشكا د چارچوڤێ وێ بودجا گشتى دیاركرى.

بودجا ئیراقێ ژ 130 ترلیۆن دیناران پێكهاتیه‌‌ ،پشكا هه‌رێما كوردستانێ ژى 13.9%یه‌ كو دبنه‌ نێزیكى 11 ترلیۆن دیناران‌.