رووهنكرنه‌ك ژ نڤێسینگه‌ها د. به‌شیر حه‌دادی

نڤێسینگه‌ها به‌شیر حه‌داد، جێگرێ سه‌رۆكێ جڤاتا نوونه‌ران ل ئیراقێ د روونكرنه‌كێ دا ره‌تكرییه‌، كو به‌شیر حه‌دادى به‌حسێ وێ چه‌ندێ كربیت، كو ئیراق د ڤێ هه‌یڤێ دا مووچه‌یێن فه‌رمانبه‌رێن هه‌رێمێ دێ هنێریت، به‌لێ لێبرینا مووچه‌ى ژلایێ حكومه‌تێ هه‌رێمێ ڤه‌ دێ یا به‌رده‌وام بیت، جه‌خت دكه‌ت كو چ لێدوانێن ب ڤى شێوه‌یى نه‌داینه‌.

د روونكرنه‌كێ دا هاتییه‌ كو د چه‌ند رۆژێن بوری دا هژماره‌كا میدیا و سۆشیال میدیا، لێدوانه‌كا دكتۆر به‌شیر حه‌داد، جێگرێ سه‌رۆكێ جڤاتا نوونه‌رێن ئیراقێ تێكدایه‌ كو جه‌نابێ وى راگه‌هاندییه‌، كو ئیراق د ڤێ هه‌یڤێ دا مووچه‌یێن فه‌رمانبه‌رێن هه‌رێمێ دێ هنێریت، به‌لێ لێبرینا مووچه‌ى ژلایێ حكومه‌تێ هه‌رێمێ ڤه‌ دێ یا به‌رده‌وام بیت.

ئاماژه‌ دایه‌ ژى، كو ب هه‌موو شێوه‌یه‌كى ئه‌م ئه‌ڤێ چه‌ندێ ره‌تدكه‌ین، كو جێگرێ سه‌رۆكێ جڤاتا نوونه‌ران چ لێدوانێن ب ڤى شێوه‌ى نه‌داینه‌، و ئه‌وێن د بوارێ كارێ رۆژنامه‌ڤانى دا چ تشته‌كى نزانن و ب تنێ هنده‌ك فه‌رمانبه‌رن كارێ تێكدانا لێدوانانا و بێ بهاكرنا بزاڤێن نوونه‌رێن كورد ل به‌غدا دكه‌ن و كێمكرنا كارێن حكومه‌تا هه‌رێما كوردستانێ.