<h3 style="text-align: justify;"><span style="font-size: 18pt;">رێڤه‌به‌رییا گشتى یا وه‌زاره‌تا بازرگانییا هه‌رێمێ: دوو ملیار دینار بۆ جۆتیارێن دهۆكێ دێ هێنه خه‌رجكرن</span></h3> <h3 style="text-align: justify;"><span style="font-size: 18pt;">رێڤه‌به‌رییا گشتى یا وه‌زاره‌تا بازرگانییا هه‌رێمێ راگه‌هاند، كو قوناغه‌كا دی یا پاره‌یێ گه‌نمێ جۆتیاران دێ هێته مه‌زاختن، و ره‌نگه د حه‌فتییا داهاتى دا ده‌ست ب به‌لاڤكرنا وى پاره‌ى بهێته كرن.</span> <span style="font-size: 18pt;">لاپه‌ره‌یێ فه‌رمیێ وه‌زاره‌تا بازرگانییا هه‌رێمێ به‌لاڤكرییه، نه‌وزاد شێخ كامیل رێڤه‌به‌رێ گشتیێ بازرگانى ل وه‌زاره‌تا پیشه‌سازی و بازرگانییا هه‌رێمێ راگه‌هاندییه، حكومه‌تا ئیراقێ قوناغه‌كا دی یا پاره‌یێ گه‌نمێ جۆتیاران بۆ سالا 2020ێ دێ مه‌زێخیت، كو كوژمێ وێ دگه‌هیته 130 ملیار دیناران و پشكا جۆتیارێن هه‌رێما كوردستانێ دێ ژێ هێته دان، كو شه‌ش ملیار و 500 ملیۆن دینارن.</span></h3> <h3 style="text-align: justify;"><span style="font-size: 18pt;">نەوزاد شێخ کامیل راگه‌هاندییه ژى، كو ئه‌ڤ كوژمێ پاره‌یى 2 ملیار و 500 ملیۆن دینار بۆ سلێمانیێ، و دوو ملیار بۆ هه‌ولێرێ و دوو ملیار ژى بۆ دهۆكێ دێ هێنه مه‌زاختن.</span></h3> <h3 style="text-align: justify;"><span style="font-size: 18pt;">ئه‌ڤه ژى د ده‌مه‌كیدایه كو سه‌رجه‌مێ شایسته‌یێن دارایی یێن گه‌نمێ جۆتیارانێن هه‌رێما كوردستانێ بۆ سالا 2020ێ 220 ملیار دینارن، و د نوكه دا و پشتى خه‌رجكرنا ئه‌ڤى كوژمێ پاره‌یى نێزیكى 79 ملیار و 454 ملیۆنان ژلایێ حكومه‌تا ناڤه‌ندى ڤه دێ مینن.</span></h3> <h3 style="text-align: justify;"></h3>
