ژبوی رووبرۆبوونا کۆرۆنایێ وەکۆ پشتەڤانی بۆ کەرتێ ساخلەمیێ، زانکۆیا دھۆکێ ئەڤرۆ سەنتەرێ ڤەکۆلین و پشکنینێن کۆرونایێ و نەخۆشیێن ڤەگر ل سەرۆکاتیا زانکۆیێ ڤەکر، کو ھەر قوتابییەکێ گۆمان ب نەخوشییا کۆرۆنایێ ھەبیت ل ڤی سەنتەری بێ بەرامبەر دێ پشکنین بۆ ھێنەکرن.
د چار چووڤێ ڤەکرنا وی سەنتەری دا ھەر ئێک ژ وەزیرێ خواندنا بلند و ڤەكۆلینێن زانستی و وەزیری ساخلەمیێ یێ حکومەتا ھەرێما کوردستانێ ئامادەببوون، د کۆنگرەکێ رۆژنامەڤانی دا د. سامان بەرزنجی، وەزیرێ ساخلەمیێ داخواز ژ ھەموو خەلکێ ھەرێمێ کر پێگیریێ ب رێنمایێن ساخلەمیێ بكه‌ن و ماسکان بکەنێ و نەچنە جھێن قەرەبالغ و ھەر کەسەکێ گۆمانەک ھەبیت سەرەدانا بنگەھێن پشکنینێن کۆرۆنایێ بکەن.
د. سامان بەرزنجی وەزیرێ ساخلەمیێ گۆت ژی: ل رۆژا 10 ڤێ ھەیڤێ لژنا بلندا رووبروبوونا کۆرۆنایی دێ کۆم بیت و د وێ کۆمبوونێ دا ھەر کارەکێ پێدڤی بیت بۆ پاراستنا خەلکێ ھەرێمێ دێ بریار ل سەر ھێتەدان، گۆت ژی: وەرگرتنا ڤاکسینێ پشكه‌كه ژ رێگریکرن و بەرسینگرتنا کۆرۆنایێ و پێدڤییە ھەموو وەلاتی ڤاکسینێ وەرگرن.
