د گه‌ل 40 سه‌رۆكێن ئه‌مریكا ژیایه‌‌

ب عه‌مرترین خشۆكێ جیهانێ كیسه‌له‌یه‌كه‌ و هه‌تا نها 40 سه‌رۆكێن ئه‌مریكا گوهۆرینه‌ و نها‌ د ژیانێ دا مایه‌ .

ناڤێ ڤى كیسه‌له‌ى  جوناسانه‌ و ژیێ وى 188 سالن و ژ سه‌رجه‌مێ 46 سه‌رۆكێن ویلایه‌تێن ئێگرتى یێن ئه‌مریكا هه‌تا نوكه‌ 40 سه‌رۆك هاتینه گوهارتن و ئه‌و هێشتا د ژیانێ دایه‌ و ساخله‌میا وى یا باشه‌، ژ به‌ر ڤێ وه‌كى ب عه‌مرترین كیسه‌له‌ و خشۆكێ جیهانی مایه‌.

جوناسان ل سالا 1832 ژ دایك بوویه‌ و نها ل گراڤا سانت هێلینا ل باشوورێ زه‌ریا ئه‌تله‌سى ژیانا خوه‌ دبوورینیت.

ئه‌و كیسه‌لێ‌ 188 سالى‌ خودانێ چه‌ندین وێنێن دیرۆكى یێن كه‌ڤنه‌ و ره‌نگێ وى یێ ره‌ش و سپیه‌، د گه‌ل وێ ژى دا پتریا خه‌لكى وه‌ك بیرهاتن وێنان دگه‌ل دگرن . 

جوناسان شه‌رێن ئێكێ و دوویێ یێ جیهانى بووراندینه‌، ل سه‌رده‌مێ حه‌فت شاهێن بریتانیا ژیایه‌، ژ بلى 40 سه‌رۆكێن ئه‌مریكا. 

جوناسان ژ به‌ر عه‌مرێ وى یێ مه‌زن بوویه‌ نووچه‌یێ گه‌رمێ میدیایێن جیهانى، ژ بلى هندێ تۆرێن چڤاكى وێنێن وى دگه‌ل چه‌ندین تێكستێن جودا به‌لاڤكرینه‌.