<h3 style="text-align: justify;"><span style="font-size: 18pt;">سهرۆكێ لقا دهۆك یا سهندیكا زێرنگرێن كوردستانێ، ئاشكراكر، ژ ئهگهرێ نهبوونا كارى گهلهك زێرنگران دوكانێن خوه فرۆتن و دهست ژ كارى بهردان و كرین و فرۆتنا زێڕی راوهستیایه.</span></h3> <h3 style="text-align: justify;"><span style="font-size: 18pt;">عهبدوسهلام بهشیر محهمهد تاهر، سهرۆكێ لقا دهۆك یا سهندیكا زێرنگرێن كوردستانێ، بۆ خانى نیۆز گۆت: ژبهر نهبوونا كارى مههانه پتر ژ پێنچ زێرنگر یێ كارێ زێرنگریێ دهێلن و د ههرسێ مههێن بووری دا پتر ژ 30 زێرنگران كارێ خوه هێلاینه، ژبهركو شۆل نینه و مهزاختییێ زێدهیه وهك كرێیا دوكانێ و كارهبێ، ههموو بازارێ زێرنگران ل دهۆكێ رۆژێ كیلویهكا زێڕى ناهێته فرۆشتن، ههروهسا نها بوك دهێنه ڤهگوهاستن بێ زێر بهێنه كرین و پتریا خهلكى زێرێ خوه دفرۆشن.</span></h3> <h3 style="text-align: justify;"><span style="font-size: 18pt;">عهبدوسهلام بهشیر گۆت: پێشتر ژێدهرێ هاتنا زێڕى بۆ كوردستانێ و دهۆكێ ژ دوبهى و توركیا بوو لێ نها ئهو ژى نهما ژبهركو كرین و فرۆتن نینه.</span></h3> <h3 style="text-align: justify;"><span style="font-size: 18pt;">ناڤبرى ئهو ژى گۆت: شهش كارگههێن زێرى ل دهۆكێ ههنه لێ نه ل وى ئاستێ مهزنن كو گهلهك كرێكار تێدا كاربكهن، بتنێ كارگههێن زێرى ل دهۆكێ تشتێ گهلهك ب ساناهى وهك بازنكان یان تشتێن بچووك دكڕن، ههروهسا </span>پێشتر زێرێ سهخهته دهاته بازارى، لێ ئهو دیارده ژى كێم بوویه.</h3> <h3 style="text-align: left;"><span style="font-size: 18pt;">خانى نیوز، سالار محهمهد دۆسكى</span></h3>
