ب دهستپێشخهریا سهرۆكێ ههرێما كوردستانێ، چارهنڤیسێ كوردستانێ حزب و ئالیێن سیاسی لێك كۆمڤه دكهت.
ب دهستپێشخهریا نێچیرڤان بارزانی، سهرۆكێ ههرێما كوردستانی، ئهڤرۆ سهعهت 11 یێ سپێدێ، چارهنڤیسێ كوردستانێ ههموو حزب و پێكهاتهیێن كوردستانێ ب دهنگ و رهنگێن خوهڤه ل یهك كۆمڤهدكهت و نها ل ئاڤاهیێ سهرۆكاتییا ههرێمێ ل سهر ئێك مێزهی و نها ژ بۆ گۆتوبێژان و لێكتێگههشتنهكا ههڤپشك و گاڤێن داهاتی د كۆمبوونێ دانه.
د سالا 2021 دا ئهڤه كۆمبوونا ئێكێ یه د ناڤبهرا ههموو حزب و ئالیێن سیاسی دا دهێت سازكرن، ئالیێن سیاسی ژی پێشوازی ل دهستپێشخهرییا سهرۆكێ ههرێمێ كرینه.
ل گۆر زانیاریێن خانی نیوز، د كۆمبوونێ دا فازل میرانی، سكرتێرێ مهكتهبا سیاسی یا پارتی دیموكراتی كوردستان، باڤێل تالهبانی، ههڤسهرۆكێ ئێكهتییا نشتیمانی یا كوردستانێ، عومهرێ سهید عهلی، رێكخهرێ گشتی یێ تهڤگهرا گۆرانێ، سهلاحهددین بههائهدین، ئهمیندارێ گشتی یێ ئێكگرتو یا ئیسلامی یا كوردستانێ و عهلی باپیر، سهرۆكێ كۆمهلا دادوهری یا كوردستانێ و محهمهد حاجی مهحمود، سكرتێرێ حزبا سۆشیالیست یا دیموكراتا كوردستانێ دێ پشكدار بن.
