هه‌ولێر.. ئه‌حمه‌د دلزار شاعر و خه‌باتكار وه‌غه‌را داویێ كر

دلزارێ شاعر ئه‌ڤرۆ ل 10-4-2021ێ و د ژیێ 101 سالیێ دا ل باژێرێ هه‌ولێرێ وه‌غه‌را داویێ كر.  

دلزارێ شاعر ب سه‌دان به‌رهه‌مێن شعرى ب زمانێن كوردى و عه‌ره‌بى نڤیسینه‌ و بیرۆبۆچوونێن فه‌رهه‌نگا بابه‌ تاهرێ هه‌مه‌دانى یا ب زارێ لۆرى بوو، وه‌رگێرایه‌ سه‌ر زارێ سۆرانى، ئێكه‌م شاعرێ كورده‌ كو 101 سالیێ ژیێ خوه‌ ته‌مام دكه‌ت و ژلایێ عه‌مرى ژى ڤه‌ دووه‌م شاعر بوو ل سه‌ر ئاستێ جیهانێ.

 دلزارێ شاعێر ل 8 -1-1920ێ ل باژێرێ كۆیه‌ ژ دایكبوویه‌، هه‌روه‌كو دڤێ دێرا هوزانێ دا هاتى:

هه‌شتى جه‌نوه‌رى سالى هه‌زارو نۆسه‌دو بيست بوو
له‌دايك بونى دلزار له‌شارى كۆى خۆشه‌وويست بوو

ل سالا 1929 د ژیێ 9 سالیێ دا ل کۆیە دەست ب خواندنا سەرەتایی كرییه‌

ل سالا 1937 بۆ جارا ئێكێ قوتابخانا ناڤەندی ل کۆیە ڤه‌كر و ئه‌و ب خوه‌ چوویێ

ل 28ی شواتا 1943 دبیته‌ سەربازێ سوپایێ ئیراقێ

سالا 1959 بوویه‌ ئه‌ندامێ ئێكه‌تییا ئه‌دیبێن ئیراقێ

 ساڵا 1970ب ئەندامێ ئێكێ یا دەستەییا رێڤه‌به‌رییا ئێكه‌تییا  نڤیسه‌رێن  کورد ھاتییه‌ هه‌لبژارتن

ئەندامێ خولا  ئێكێ  یا جڤاتا یاسادانانێ بوو ل ھەرێما کوردستانێ

دلزارێ شاعر و خه‌باتكار پشتى خه‌باته‌كا به‌رده‌وام ل سه‌ر نڤیسین و كارێن ئه‌ده‌بى و به‌رهه‌مێن وى د سه‌ر لاپه‌رێن رۆژنامه‌ و كوڤاران دا و ڤه‌كۆلین ل سه‌ر پترییا ڤان به‌رهه‌مان هاتییه‌ كرن، ئه‌ڤرۆ ل 10-4-2021ێ و د ژیێ 101 سالیێ دا ل باژێرێ هه‌ولێرێ وه‌غه‌را داویێ كر.