وه‌زاره‌تا ئه‌وقافێ: ئه‌ڤرۆ ئێڤارى دێ چاڤدێرییا دیتنا هه‌یڤێ كه‌ین

بۆ دیاركرنا ئێكه‌م رۆژا هه‌یڤا ره‌مه‌زانا پیرۆز، ئێڤارییا ئه‌ڤرۆ لژنه‌یا بلندا دیتنا هه‌یڤێ ل وه‌زاره‌تا ئه‌وقافێ چاڤدێرییا دیتنا هه‌یڤێ دكه‌ت.

د راگه‌هاندنه‌كێ دا وه‌زاره‌تا ئه‌وقاف و كاروبارێن ئاینى ل هه‌رێما كوردستانێ هاتییه‌، بۆ مه‌ره‌ما دیاركرنا ئێكه‌مین رۆژا هه‌یڤا ره‌مه‌زانا پیرۆز، لژنه‌یا بلندا دیتنا هه‌یڤێ ل وه‌زاره‌تا ئه‌وقافێ و كارۆبارێن ئایینى ئێڤارییا ئه‌ڤرۆ ئێكشه‌مبى 11 نیسانێ 2021ێ و ب هه‌ماهه‌نگى دگه‌ل لژنه‌یێن لاوه‌كیێن مه‌ ل سه‌رجه‌م پارێزگه‌هێن هه‌رێما كوردستانێ دێ كۆمبیته‌ڤه‌ و دێ چاڤدێرییا دیتنا هه‌یڤێ كه‌ن. 

وه‌زاره‌تا ئه‌وقافێ راگه‌هاند، دێ ل دووڤ وان به‌لگه‌یێن شه‌رعی بریار ل سه‌ر دیاركرنا ئێكه‌مین رۆژا هه‌یڤا ره‌مه‌زانا پیرۆز ده‌ن، هه‌روه‌سا جه‌خت كرییه‌ ژى كو پشتى راگه‌هاندنا بریارا فه‌رمییا لژنه‌یا دیتنا هه‌یڤێ (ل دویڤ به‌لگێن شه‌رعى)، چ كه‌س و لایه‌نه‌ك بۆ وان نینه‌ لێدوانێ ده‌رباره‌یى ڤێ چه‌ندێ بده‌ت.