ئیراق سالانه‌ 100 هزار دۆنه‌مێن ئه‌ردێ چاندنێ ژ ده‌ست دده‌ت

ل دووڤ ئامارێن نه‌ته‌وه‌یێن ئێكگرتى، ژ ئه‌گه‌رێ گهۆرینا كه‌ش و هه‌واى  ئیراق سالانه‌ 100 هزار دۆنه‌مێن ئه‌ردێ چاندنێ ژ ده‌ست ده‌ت، ئه‌ڤه ژی‌ ئه‌نجامێ زۆر بكارئینانا ئاخێ ژ ئه‌گه‌رێ سیسته‌مێ چاندنێ و ئاڤدان و خودانكرنا ئاخێ روودده‌ت، دگه‌ل كێمیا بارانێ و كێم به‌ردانا ئاڤا رووباران.

د. عه‌لی حه‌نوش ل سه‌نته‌رێ ڤه‌كۆلینێن ئاخێ ل زانكۆیا موسه‌نا ئاماژه ‌ب هندێ كر، ئاریشا بیابانبوونا ئیراقێ پێدڤى ب به‌رنامه‌كێ نیشتیمانى و ستراتیژى هه‌یه‌، ژ بۆ هندێ  ڤه‌كۆلینێ ل سه‌ر پێكهاته‌یێن ئاخێ بكه‌ن و بهێته‌ گه‌شه‌كرن.

ب بۆچوونا نه‌ته‌وه‌یێن ئێكگرتى، زێده‌بوونا بیابانبوونا ئاخا ئیراقێ، ژ ئه‌گه‌رێ كێمییا بارانێ و كێم به‌ردانا ئاڤا هه‌ردوو رووبارێن دیجله‌ و فورات‌ ژلایێ وه‌لاتێن جیرانڤه‌، رێژا زه‌ڤیێن چاندنێ ل ئیراقێ ب نیڤى كرینه‌.