سزایێ گرانگرنا بهایان 5 هزار هه‌تا 5 ملیۆن دینارن

رێڤه‌به‌رێ گشتییێ بازرگانى رێك ناهێته‌ دان ب به‌هانه‌یا بلندبوونا بهایێ دۆلارى، بهایان ژ ده‌ف خوه‌ بلند بكه‌ن

رێڤه‌به‌رێ گشتییێ بازرگانى ل وه‌زاره‌تا بازرگانى د بێژیت، بۆ هندێ داكو د هه‌یڤا ره‌مه‌زانێدا بها نه‌هێنه‌ گرانكرن، تیمێن چاڤدێرییا بازارى و جهێن گشتى زێده‌ دكه‌ن، ئه‌وێن بهایان زێده‌ دكه‌ن، د ده‌ستهه‌لاتا وه‌زاره‌تێ دایه‌ ب كوژمێ 50 هزار هه‌تا 5 ملیۆن دیناران وان سزا بده‌ت.

نەوزاد شێخ كامیل، بو ماڵپەڕێ فەرمییێ پارتییا دیموكراتا كوردستانێ راگەهاند: ب مەبەستا ڕێكخستنا بهایان و ڕێگریكرنێ ل گرانفرۆشییێ د هه‌یڤا  پیرۆزا ڕەمەزانێ دا، تیمێن چاڤدێرییا بازاڕى زێده‌ دكەن و رۆژانە ژى، و ل دووڤ بەرنامەیەكى دهێته‌ ئاماده‌كرن ل زۆربه‌یا ماركێتان، مۆڵ و ئەو جهێن گشتى، كو وه‌ڵاتی دچنێ ب مه‌ره‌ما  دابینكرنا كه‌لوپه‌لان، چاڤدێرییه‌كا هوویر یا بازارى دكه‌ن، هه‌ر فرۆشیاره‌ك بهایێ بلند بكه‌ت و كه‌ل و په‌لێن ب سه‌رڤه‌چوویى بفرۆشیت، دێ رووبروویى سزایان بیت، كو ب كوژمێ 50 هزار هه‌تا 5 ملیۆن دیناران دێ هێنه‌ سزا دان.

شێخ كامیل گۆتى ژى: “ل دووڤ سه‌رپێچییان سزا دێ هێنه‌ گهۆرین و زێده‌تر ژى سزا ماددینه‌ و داخستنه‌،  و ئه‌گه‌ر سه‌رپێچییا وى یا مه‌زن بیت، دێ روو ب روو دادگه‌هێ بیت، و ئه‌م چاڤێ خوه‌ ل چ تشتان ناگرین، پێدڤییه‌ فرۆشیار و بازرگان پابه‌ندى رێنمایان بن.

رێڤه‌به‌رێ گشتییێ بازرگانى، ئاماژه‌ ب هندێ دایه‌: كو چاڤدێریكرنا بازاڕى دێ ب رێكا زێده‌كرنا تیمێن گه‌رۆك بیت بۆ بازارى و ناڤه‌ندێن فروتنێ، چونكى نوكه‌ هه‌یڤا ره‌مه‌زانێیه‌ و د هه‌ر ده‌مه‌كێ دیدا هاوه‌لاتى زێده‌تر سه‌ره‌دانا بازارى دكه‌ن.

روونكر ژى، كو رێك ناهێته‌ دان ب به‌هانه‌یا بلندبوونا بهایێ دولارى، بهایان ژ ده‌ڤ خوه‌ بلند بكه‌ن، چونكى ل دویڤ یاسایێ، ب د ژوارى دێ رووب رووى ئه‌وا كه‌سان بین یێن ب ڤان كاران رادبن.