عەبۆ تووشی نەخۆشیا چاڤان بوویە

ھونەرمەندێ ناڤدارێ دراما کومێدی عەبدوسەلام سلێمان یێ بەرنیاس ب عەبۆ بۆ خانی نیوز گۆت: ل رۆژا شەشێ نەورۆزێ پشتی ژ سەیرانێ ڤەگەریای، ل سپێدەیا رۆژا پاشتر دەمێ ژ خەوێ رابووی دیتنا چاڤێ خوە یێ راستێ ژ دەست ددەت، پشتی سەرەدانا چەندین نۆشدارێن پارێزگەھا دھۆکێ کری و چارەسەریا پێدڤی بۆ نەھاتیە کرن، سەرەدانا ئێک ژ سەنتەرێن چاڤان ل باژێڕێ ھەولێرێ کریە و پشکنین بۆ ھاتینە کرن.
عەبدوسەلام گۆت ژی: نۆشداران گۆتیە وی کو چاڤێ وی یێ راستێ بیناھی تێدا نەمایە و چاڤێ چەپێ ژی ل بن گەفێن نەمانا بیناھیێ یە، لێ دێ بزاڤێ کەن کو ب رێکا دانانا دەرزیکێ بیناھیا دیتنێ ب رێژا نێزیکی ٧٠% بۆ چاڤێن وی ب زڤرینن، ھەکە ئەو رێکە یا سەرکەفتی نەبوو دێ رێکا بکارئینا لێزەری بکار ئینن، ھەکە ئەوێ ژی سەرکەفتن نە ئینا دێ نەچاربن نشتەرگەریێ بۆ بکەن.
ھونەرمەند ناڤبری زێدەتر گۆت: نۆشداران گۆتیە وی پشتی نشتەرگەری و رێکێن چارەسەریێ بۆ چاڤێ راستێ دکەن، دێ ب ھەمان رێک چارەسەریا چاڤێ چەپێ ژی کەن.
عەبدوسەلام یێ بەرنیاس ب عەبۆ ، حامد ئیپراخ رۆلەکێ گرنگ د دراما کوردی ھەبوویە و ئەکتەرەکێ سەرەکی بوویە ژ کۆما وژدان.

خانی نیوز، مەتین عومەر