داراییا ئیراقێ:باج ژ مووچه‌یێ كێم ناگریت

وەزارەتا داراییا ئیراقێ راگه‌هاند، دانانا باجێ ل سەر مووچەیێ فەرمانبەران ل دویڤ یاسایا بودجەیى و ئەوان کەسان ژى ڤه‌ناگریت كو مووچه‌یێ وان یێ كێم بیت.
وەزارەتا داراییا ئیراقێ د راگه‌هاندنه‌كێ دا ده‌رباره‌یى دانانا باجێ ل سەر مووچەیێ فەرمانبەران دیار كر، ئه‌وێ نڤیسارا كو به‌لاڤبووی یا ئیمزایا عه‌لى عه‌للاوى، وه‌زیرێ دارایى ل سه‌ر، ل دوویڤ مادده‌یێ 34 برگا جیم ژ یاسایا بودجێ بوویه‌.
وه‌زاره‌تا دارییا ئیراقێ ئاماژه‌ كرییه‌ ژى كو دانانا باجێ ل سه‌ر مووچه‌ى ئه‌وان كه‌سان ڤه‌ناگریت كو مووچه‌یێ وان یێ كێم، د ده‌ستهه‌لاتا جڤاتا وه‌زیرێن ئیراقێ ژى دایه‌ كو دانانا باجێ ل سه‌ر مووچه‌ى هه‌لبوه‌شینیت.
وه‌زاره‌تا داراییا ئیراقێ دوپات كر ژى، كو ئه‌و د رژدن ل سه‌ر دابینكرنا مافێ مووچه‌ خۆر و وه‌لاتییان.
به‌رى نوكه‌ په‌رله‌مانێ ئیراقێ مادده‌یا 20 ژ یاسایا بودجه‌یى هه‌لوه‌شاندبوو، كو یا تایبه‌ت بوو ب دانانا باجێ ل سه‌ر مووچه‌ى، به‌لێ ل دویڤ نڤیسارا وه‌زاره‌تا داراییا ئیراقێ جاره‌كا دى دانانا باجێ ل سه‌ر مووچه‌یى ڤه‌گه‌راندییه‌ ڤه‌.