پشتى دووڤچوونه‌كا هوور یا رێڤه‌به‌رییا گشتی نه‌هێلانا ماددێن هشبه‌ر، د هه‌وه‌كێ دا ل باژێرێ هه‌ولێرێ شه‌ڤا بوورى شیان 9 کەسێن بازرگانى ب ماددێن هشبه‌ر دكر ده‌سته‌سه‌ربكه‌ن.
رێڤه‌به‌رێ گشتیێ نه‌هێلانا ماددێن هشبه‌ر دیاركر، ل ده‌مێ ده‌سته‌سه‌ركرنێ دا شیان دو کیلۆ و 569 گرامێن هێرۆین، ئێك کیلۆ و 375 گرامێن کریستال، 984 گرامێن حەشیشى، 680 گرامێن تریاك، 580 گرامێن جامایکا.
ل گۆره‌ى گۆتنا رێڤه‌به‌رێ گشتیێ نه‌هێلانا ماددێن هشبه‌ر، ئه‌ڤ گرۆپە ژێده‌رێ به‌لاڤكرنا ماددێن هشبه‌ر بوون ل باژێرێ هەولێرێ و گه‌له‌ك كه‌س ل هه‌رێمێ ئالوودەی ماددێن هشبه‌ر كرینه.
تا‌وانبار ل دووڤ به‌ندێ 25 ژ قانوونا ماددێن هشبه‌ر ره‌وانه‌ى دادوه‌رێ ڤه‌كۆلینان هاتن كرن.
