لژنەیا بلندا چاندنا گورچیسكان ل هەرێمێ 9 بریارێن نوو ده‌ركرن

لژنەیا  بلندا چاندنا گورچیسكان ل هەرێما کوردستانێ ب سەرپەرشتییا وەزیرێ ساخله‌مییا حکومەتا هەرێمێ کۆمبوویه‌، و دكۆمبوونێ دا پێداچوون د مه‌رج و رێنمایێن نشته‌رگه‌رییا چاندنا گورچیسكان هاتییه‌ كرن، و بریارێن نوو بۆ رێكخستنه‌ڤه‌یا پێداچوونێ بۆ ئه‌وان خزمه‌تگۆزارییان هاتییه‌ په‌سه‌ندكرن.

 وەزیرێ ساخله‌مییا حکومەتا هەرێمێ، ئەڤڕۆ شەمبى سەرپەرشتییا کۆمبوونا لژنەیا بلندا چاندنا گورچیسكا ل هەرێما کوردستانێ کرییه‌، کو ب ئامادەبوونا ئەندامان و پسپۆڕێن د بوارێ نەخۆشیان و چاندنا گورچیسكان ب رێڤه‌چوو، د کۆمبوونێ دا پێداچوون ب مەرج، ڕێنما، لیژنەیێن پێدانا ڕێگەپێدان و تیمێن کارکرنێ د نەشتەرگەرییا چاندنا گورچیسكان هاتییه‌ كرن.

وەزارەتا ساخله‌مییا هەرێما کوردستانێ ده‌رباره‌ى كۆمبوونێ راگه‌هاند: كو د كۆمبوونێدا 9 بریارێن نوو بۆ رێكخستن و پێداچوونێ بۆ ئه‌ڤان خزمه‌تگۆزارییان، ژبه‌ر به‌رژه‌وه‌ندییا وه‌لاتییان هاتینه‌ دان.