پارێزگارێ دهۆكێ ئه‌ڤرۆ د گه‌ل ده‌ڤه‌ردارێن پارێزگه‌هێ كۆمبوو و هه‌ژماره‌كا رێنمایان ده‌رخستن.
ئەڤرۆ رۆژا ئێكشه‌مبیێ د.عەلی تەتەر، پارێزگارێ دهۆکێ دگەل دەڤەردارێن پارێزگه‌هێ كۆمبوو و پشتی دان و ستاندنان ل دۆر رەوشا بەلاڤبوونا ڤایرۆسێ کۆرونایێ و رێنمایێن خوه پارێزیێ و دوپاتی ل بجهئینانا وان هات کرن، هه‌روه‌سان دانوستاندن ل دۆر چه‌ندین ته‌وه‌رێن دی و دوپاتی ل پابه‌ندبوونا رێنمایان بڤی رەنگێ ل خوارێ هاتەکرن:
-
پێگیریی ب دەواما فەرمی ب رێک و پێکی بهێتەکرن.
-
نەهێلانا رۆتینێ و ئاسانكاری بۆ وه‌لاتییان ژ بۆ ب رێڤەبرنا مامەلەیین وه‌لاتییان.
-
بەرهەنگاربوونا هەر جۆرە گەندەلیەکا کارگێریی و دارایی و زێدەگاڤی و… ل دووڤ کارنامە و یاسایێن بەرکارێن حکۆمەتا هەرێما کوردستانێ.
-
ب یه‌كسانی و دادپه‌روه‌ری سه‌ره‌ده‌ری دگه‌ل وه‌لاتییان بكه‌ن.
-
زێدەتر نێزیکبوون ل داخوازیی و گلە و گازندە و پێشنیارێن وه‌لاتییان.
-
دووڤچوونا بەردەوام ل گرانبوونا بازاری و لژنێن پەیوەندیدار پتر چاڤدێریا بازاری بکەن.
