هۆنه‌رمه‌ندا شێوه‌كار حه‌كیما خه‌لو له‌زگین بۆ خانى نیوز راگه‌هاند، هۆنه‌رێ شێوه‌كارى هه‌سته‌كێ گه‌له‌ك ئارامه و نه بتنی دده‌ته هۆنه‌رمه‌ندان به‌لكو دده‌ته ده‌وروبه‌ران ژى و ئه‌و سه‌ربلنده ب وى كارى، ژبه‌ركۆ بابه‌تێن هۆنه‌رى گه‌له‌كن و هه‌ر كاره‌كى شێوازه‌ك یێ هه‌ى لێ به‌رده‌وامه ل سه‌ر گه‌له‌ك شێوازان كاربكه‌ت و ئه‌و یه‌كه ژی ل سه‌ر هزر و شێوازێ مرۆڤى دمینیت كا د كیش واری دا ئارامتره و داهێنانێ دكه‌ت، لێ من حه‌كیمایێ پتر حه‌ز ل سه‌ر سرۆشتى هه‌یه و هه‌ر ده‌مێ تشته‌ك هاته هزرا وێ دێ وێنه‌كه‌ت و پاشان گۆهۆرینێ تێداكه‌ت.
زێده‌تر گۆت ژی: ب رێیا كه‌ڤالان وێ شیایه تا راده‌كى مه‌به‌ستا خوه بگه‌هینته خه‌لكى و گه‌له‌ك كه‌س یێن هه‌ین كه‌ڤالێن شێوه‌كارى بۆ دیكۆر و مالێن خوه بكاردئینن، ئه‌و به‌رده‌وام و پشته‌ڤانییا ڤى كارى دكه‌ت و وێ كارێن دۆست و براده‌ران ل مالا خوه هه‌لاویستینه و كارێن وێ ژى ل گه‌له‌ك جهان هاتینه هه‌لاویستن و به‌رده‌وام داخوازى ل سه‌ر كه‌ڤالان هه‌یه و ئه‌ڤه ژى رێیه‌كه هۆنه‌رمه‌ند كارێ خوه بگه‌هینته خه‌لكى.
شێوه‌كار حه‌كیمایێ گۆت ژی: گه‌له‌ك هۆنه‌رمه‌ندان داهاتێ وان ل سه‌ر كارێ وایه و ل كوردستانێ گه‌له‌ك هۆنه‌رمه‌ندێن شێوه‌كارى یێن كچ هه‌نه، لێ به‌رده‌وامییێ ناده‌نه كارێ خوه ئه‌ڤه ژى ژبۆ وی یه‌كێ دزڤریت كۆ جڤاك پشته‌ڤانییا وان ژ ئالیێ ماددى و مه‌عنه‌وى ڤه ناكه‌ت و چ كاران شه‌رم تێدا نینه و گه‌ر پشته‌ڤانى لێ بهێته‌كرن كچ دێ به‌رده‌ام بن د كارێ شێوه‌كارى دا.
