جاره‌كا دى لایەنێن شیعى دخوازن هێزێن ئه‌مریكا ژ ئیراقێ ده‌ركه‌ڤن

وەزارەتا بەرگرییا ئەمریکا دیار كرییه‌، هه‌بوونا هێزێن وان ل ئێراقێ د سنووردارن و ب تنێ بۆ هاریکاریکرنا سوپایێ ئێراقێ یه‌ ل شەرێ دژى داعشێ، بەلێ فراکسیۆنێن شیعى جاره‌كا دى ل جڤاتا نوونه‌ران، دەست ب فشاران كرییه‌ بۆ سەر حکومه‌تا مستەفا کازمی و داخواز كرییه‌ بریارا پەرلەمانى بۆ دەرکرنا هێزێن بیانی ل ئێراقێ جێبەجێ بکه‌ت.

فازل جابر، ئەندامێ جڤاتا نوونەران ل هه‌ڤپەیمانییا فەتح، داخواز ژ حکومەتا ئێراقێ کرییه‌، بڕیارا پەرلەمانى بۆ دەرکرنا سەرجەم هێزێن بیانی جێبەجێ بکه‌ت.

فازل فەتلاوی پەرلەمانتارێ فراکسیۆنا سادیقون گوتییه‌: پەرلەمانى دەنگ ل سەر دەركه‌فتنا هێزێن بیانی دایە، له‌وما پێدڤییە حکومەت وێ بڕیارێ جێبەجێ بکه‌ت.